唔准諗, 即刻講 – 五花茶係邊五種花?
天氣熱， 家中印尼姐姐又剛過完一個月的宗教齋戒，腸胃麻麻， 說真的還真有點口氣…..
於是趁放假煲了一大煲五花茶， 放入雪櫃， 人人受惠。
五花茶，究竟是邊五花？ 立時想到一定有菊花和金銀花， 但另外幾種是甚麼花， 一時間都未必想得起。
原來五花茶並沒有規定一定有邊幾種材料， 最常見的是由金銀花、菊花 (杭菊、甘菊或白菊花)、 槐花、木棉花和雞蛋花混合而成， 主要功效為清熱、祛濕、消暑、去口氣等。
另外亦有其他配方包括玫瑰花、佛手花、 梅花、茉莉花等。
五花茶一包， 煲2小時， 就有一大煲， 如果怕甜， 可以不放糖， 或用羅漢果代替糖。
雖然五花茶比其他傳統涼茶算是性平，但小童、 孕婦、 長者或身體虛弱的人士仍不適合飲用。 另外， 唔好自己隨便於公園採花自製，第一公園的植物多噴了除蟲劑， 而且是犯法的。
