小寶貝冬季名古屋之旅衣著分享

香港雖然都會凍～但其實簡單一件長袖加外套都已經好足夠！
未至於要添加保暖衣物

所以今次出發去名古屋～
溫度介乎於0-4 度左右～
出發前，Baba就好細心幫Jordi準備一系列的衫褲喇～
畢竟兩歲人仔第一次去日本玩雪麻！

外套：

有兩件羽絨外套
一件中度暖 （基乎名古屋市個幾日都著佢，大概平均維持係4度）

另一件就極暖（零下溫度都Ok架 !）

褲 ：

準備咗兩條厚的絨毛褲
兩條牛仔褲
分別視乎天氣環境而安排

雪地當然可以先用Heattech褲打底再加厚絨褲配高筒毛毛鞋

而冷帽方便當然選擇包哂成個頭仔的機師帽！！！厚厚的軟毛舒服又保暖！

當日係白川鄉時遇著大風雪，其實對於初次體驗落雪的小朋友會較不習慣！！
當風雪迎面吹向Jordi時，佢第一反應都會覺得唔舒服！
不停話 ： 落雨喇 ！濕哂BB喇 ！
所以特別希望家長注意保暖及留意小朋友的反應！

當然冷帽、手套、頸巾厚外套 ！絕對少不了

你見我成頭雪！就知道風雪有多大了～
帶小朋友的，不妨帶一把縮骨遮幫小朋友在需要時擋擋風雪

（至於其他的事項～留待白川鄉分享文詳細再講）

準備定毛巾被都係非常重要架！
無論在雪地或郊外，都建議多準備一張毛巾被
擋擋風又好，訓著時被一下都好

當日眼見有小朋友因爲預寒衣物不足
沒有手套、冷帽，只有普通的外套…….凍到手仔、面仔、腳仔通紅
一直大喊～真的好心痛架！
小朋友係兩歲階段未必識嗌凍！但扭計同喊都係反應的一種
要多加留意！

__________________________________________________

只要小朋友覺得凍！你幫佢帶手套帶冷帽係唔會作多餘的反抗

當然～係日本室內都是暖氣～
小朋友熱自然會除！

____________________________________________________

衫 ：

著衫方面，小朋友同大人唔同
寧願外套夠暖⋯都唔好幫佢地著太多層
太累贅太腫都會令佢地唔舒服，難行路
Jordi連日都係著唔同的冷衫或厚衛衣
內加一件長袖包屁衣就足夠了

當然～遇著天氣好，溫暖一點的天氣
一般著牛仔褲配襯就可以了
厚厚的絨褲是針對雪地而買的！

____________________________________________________

Jordi衣著

👕

係名古屋高山天氣比名古屋市低
維持在4度以下或天陰有風雪的時候
我有時都會幫Jordi加一件Heattech
或多加一件長袖睡衣著埋打底

😂

換言之：

底衫
冷衫
羽絨外套
絨褲 / 牛仔褲
薄襪加毛毛高筒鞋 （大厚襪佢地腳仔會太熱）

😂

冷帽
為襯衫的關係！我準備了幾頂冷帽
而外套都要選擇有帽的，雙重擋風呀～影相時又可愛～hahaha

手套

（叮噹款式最好） Size唔好Good Fit..一定要大一點點，因為佢地會唔舒服扭計唔用
因為經常玩雪的關係！容易整濕～所以多準備定兩對手套
否則濕了會好凍架 ！
頸巾 （保護喉嚨唔怕凍親）

小小的分享希望媽媽岩用！玩得開心D喇 ！