原諒，原來需要的是愛
我結了婚已經九年多了，穩定的感情生活，令我覺得愛情已離我很遠，更不容易被愛情故事感動，但聽完Queen的故事，卻令我有很多的反思。
Queen自小都過着公主的生活，大學畢業後沒幾年就結了婚，老公是公認的好好先生，婚後兩年就生了孩子，Queen也開始了少奶奶的生活。她是我認識的人當中，最緊張最痛愛子女的媽媽，不過氣燄也很大，對老公則較苛刻，而且她經常揚言：子女已是她的全部，老公則可有可無。
那天約了這個大女人吃早餐，平日巴巴閉閉的她，出奇地憔悴，瘦了一圈，我跟她不算深交，也不便詳問，此時剛有人捧着一大紮紅色玫瑰經過，Queen即時呆住，豆大的眼淚一顆接一顆的掉下來，我完全不知所措，急問：「做咩呀？」她一邊哭一邊搖頭緊閉着嘴，哭了差不多十分鐘，她終於開口説話了：「我發現老公有外遇。」坦白講，那一刻我心裏不是沒有閃過這念頭：「你咁對你老公，都預咗啦！」可是當我看着眼前的Queen，第一次感覺到她的可憐，以前一班朋友說起某某丈夫有外遇，她都一定是拍晒枱字正辭嚴地堅持非離婚不可的強者，可是到她自己遇上這樣的事情，她竟然選擇原諒，我非常不解，她答我：「眼前只有兩條路，一是離婚，一是原諒，重新開始。我唔想離開佢，因為我真係好愛佢。」
我以為她是為了一對仔女，怎知道她這樣答我：「其實我都一早覺得有不妥，也預咗，但當佢親口承認那一刻，原來係傷心而唔係嬲，心痛到不得了，我一直都以為自己有一對仔女就足夠，到那一刻看着她倆，才發現原來我係因為愛這個男人，才會這樣愛她們。」Queen是我認識的朋友中，最緊張仔女的媽媽，她竟然這樣説，真的有點震撼。
真的可以當沒事發生嗎？「我唔知道係咪如我老公所講，跟那女人完了，我只知道既然揀原諒，就一定要相信，他現在每天都準時回家，每日都打很多次電話給我，更重要的是，他令我感覺到有很多很多的愛包圍着。」
而且她認為自己也要負上責任，生了孩子後，全副心神放了在孩子身上，真的是忽略了丈夫，有時候兩人幾天都沒説一兩句話，更莫說會噓寒問暖了，所以現在她也變得溫柔，萬事以他為重。聽到這裏，我真的是冷汗直標呀，我何嘗不是這樣，每日只為囝囝而奔波，更因為老公剛轉工，我們少了時間相處，感情真係淡了很多…….。
她繼續說：「雖然是大團圓結局，可是代價真是太殘忍了。你知嘛，原來心痛是可以持續很多很多天的，就算有幾唔開心，都唔可以係仔女面前表現出來，對住老公更加要若無其事，就像完全沒有發生過一樣。我不是沒想過一走了之，買張機票飛回加拿大，可是我真的想給大家多一次機會。我也知道萬一那個女人要來爭，舊不如新，老不及嫩，注定是敗局來的了，所以我也在學習獨立，我在學車(她平日有司機接送的)，也想再讀書，就算將來有甚麼事發生也可以自己生活嘛。」你是完全想像不到一個滿身Chanel、Hermes ，平日在朋友堆中都是風頭躉的一個女人，會變成這個樣子呀。
我聽了Queen的故事，心中忐忑了整天，我一直以爲選擇原諒的女人是弱者，她們只是委屈求存，而堅持分手離婚的女人則較堅強，但原來原諒需要更多的勇氣和更多的愛，離開是因為對對方死心，決定愛自己多一點，而原諒那份愛則大得可以原諒他犯的所有錯，還要冒多一次被騙的險，就好像父母對子女的愛一樣，雖然盲目，但令人感動。她更坦言不介意我將故事寫出來，讓所有女人引以為鑑，只是想到說出身份，會影響老公的形象罷了。(Queen當然是假名，因為她於某圈子中是有名氣的太太)
我不知道自己遇上這種情況時會怎樣面對解決，但就讓事情未變壞時速速修好吧，回家給對方一個擁抱一個吻，世界會變得美好呀！
在感情路上，唯一自豪的是：自己從未當過第三者。
怎樣選擇Hermès保值手袋款？
說到名牌保值手袋，Hermès定是第一位！眾所周知「BCK」Birkin、Constance、Kelly最為保值，但原來選對Hermès保值顏色，不但不貶值，更令手袋升價十倍！「按二手轉賣價格最值錢的10種手袋顏色排行榜」當中，粉色系的手袋竟佔了排行榜的一半，即睇Hermès粉紅色手袋推薦。眾所週知Hermès一袋難求，有錢都未必買到，即睇港女分享Hermès配貨攻略。
除了手袋外，有沒有其他Hermès產品推介？
投資手袋前可先入手名牌鞋，Hermès鞋是名牌入手單品之一，即睇Hermès鞋款10大推介。除此之外，HermèsLogo皮帶、Hermès銀包都是名牌入門必買！
你會因為”老公剛轉工，我們少了時間相處，感情真係淡了很多” 我又何常唔係, 好似大家個話題都係對仔女, 男人變心真係預左, 不過唔知幾時會發生, 我更加因為咁唔想轉全職媽媽, 要我每個月問人比錢shopping, 我唔得囉, 有好多身邊的朋友婚姻都有出現過問題, 但大家都係因為唔想影響下一代,而繼續在一起, 選擇原諒就係要好勇氣! 但一定要”舊事不提”, 如果唔係自己都生活得好辛苦….希望這事情唔好發生在你我身上或唔好比我”知道”!!!
我覺得你聽罷你朋友既故事有這個即時反應都不出奇,因為你朋友對老公要求比較苛刻,仲要佢係一個有錢既男人…更加易有外遇啦…(其實我唔係好明男人10個有8個都好似要有外遇,極度貪新忘舊既動物)…所以有時諗…簡簡單單既生活…如果可以兩個人健康咁永遠一起就已經好滿足了..
dear michelle,
love this article! marriage is indeed a tough tough tough lifetime business, men never grow! after giving birth, since my life has changed so much, I hv become much fierce to my husband (I always had been a good girlfren all those years and listened to him, he was always a “big man”) and now I have a little daughter, seems like I have shifted all my attention and love to her and I hv courage to speak loud abt family matters and decisions!….of course it’s no good for long run, cos husband would think I don’t love him anymore, so I always “tum” him like a baby too, although what I say are meaningless but it works, he seems happier although he is still being neglected!!
我一路睇都一路好心虛呀… 點解妳朋友既性格/狀況同我咁似… 不過好在係我未有覺得老公有外遇既疑狀… 不過我自己都係咁, 自從小朋友出世後, 真係好冷落老公, 以前我地會撓埋手一齊睇電視, 但而家大家各自有時間都想爭取時間各自做自己既野… 我又係心諗, 最緊要都係小朋友, 老公如果要走, 最多要佢比膳養費我地… 但睇完你朋友既故事之後… 好似有D要醒覺既覺悟咁… 丫… 好驚呀…
我覺得好睇個男人鍾唔鍾意小朋友， 如果佢都鍾意，咁出軌的機會係少好多， 因為佢明白你做緊咩， 同埋佢地原意花時間喺小朋友身上，唔會抗拒 family day, 唔會只係注重自已的娛樂 (睇電影，打機），咁自然唔得閒揾第二個啦。
當然老婆的態度都係好重要，長時間感情淡就一定會，但一定唔可以對老公粗聲粗氣。如果對調， 自已都接受唔到啦。
關係、婚姻、愛人都沒有什麼永不永遠！有過第三者就是有過！這並沒什麼！現在沒有不代表永遠沒有！或者下次愛上第二個係自己！所以“”現在“係最重要！同埋有了小朋友亦不可以亂來，大家係要維持一個“家”並不是一段關係咁簡單！呢的事無論富有貧窮都會遇到！Don’t take it for granted！珍惜身邊人！”有時唔係話原諒就原諒！或者係緣盡！咁緊對一個變心的人係更令人透唔到氣！人生係要由各種經驗累積！或者佢只係有勇氣接受一個變左質的關係，相比要離開！還要更大的勇氣！
其實睇落係個男人原諒個女人喎！個女人都無咩對個男人好過！睇個男人應該係有錢，佢俾左一個咁好的生活同屋企個女人！但個女人好似咩都唔無，只係生左仔，對男人來說每個女人都會生仔，近期熱話係唔洗女人都生得仔！所以其實係個女人推個男人去其他女人到！個女人究竟有無撿討自己！如果個男人咁坦白承認呀就是沒有理個女人會有幾傷，有邊個人會頂得順呢個打擊！佢想俾多次個幾會個女人對佢好的！我覺得個男人仲愛個女人，之前咁到頂得佢順！如果個女人仲抱住係佢原諒個男人又話學咩學咩增值自己驚住之後有咩事！我覺得個女人係愛自己！並不是咁偉大愛個男人或者佢的小朋友！
Hilda, Jovi, Bessie,MORE~~~~ i love it!!~ ^^,Pen, 米雪,Mimi,
我寫呢個故事出來，就是想大家趁事情未變壞時，珍惜身邊既人，有時相處太耐，真係忘記咗戀愛既感覺，到事情發生後，就算原諒都冇辦法改變個事實，最理想當然係大團圓結局，但係未必人人做到，一個家庭就咁散咗，也太可惜了。
Mimi,
個女人當然有檢討，但係一段關係變質，唔會得一個人既責任，但我也不想批評太多別人的家事，怕當事人看見會不開心，至於第三者，我更無資格批評，或許你說的也沒有錯，所以，希望所有女人引以為鑑吧。
舊不如新，老不及嫩，注定是敗局來的
鎮系一針見血~
雖然還未結婚 但我現在已經預料到了
mandibaby,
你又悲觀咗Ｄ，可能你會遇到一個好好嘅男人呢！！