原來我是個超級媽媽

和好朋友吃飯，永遠都是一件快樂的事，今個晚上，相約三位很好的朋友吃晚飯。一個正在懷孕，一個想懷孕，另外一個則不打算懷孕，點都好，好朋友在一起就是暢所欲言。朋友E對著我説:「阿冰，你真係好勁，無工人自己湊女仲要返工，你真係一個超級媽媽！」我說:「都ok啦！我很開心吖！」E再問:「咁會唔會好辛苦吖？」我回答：「都辛苦架，不過每天都有七小時的睡眠時間，其實夠架啦！」每次朋友問完我這個問題，我都會再問自己，其實我這樣是否真的很辛苦呢？這一刻，我覺得是，因為晚飯後回到家已是11時，先要逗已撐了好一回兒的囡囡去睡，12時10分了，然後到自己去落妝、洗頭和沖涼，12時40分，再到廚房洗一些下午被用過但未洗的奶樽、小量碗碟等家務，1時30分，今天所有的工作終於完成，眼睛通紅的我合埋雙眼兩分鐘內應該可以入睡⋯⋯，我，是個超級媽媽嗎?!