十二月 好物推介
Nature & Co Pure Facial Foam （約＄60）
有睇我去大阪敗家video就知，
我去到日本先發現無帶到洗面，
所以只好走去藥妝店求其買一支。
而呢個品牌其實我係香港都見過，
佢價錢唔貴，而且標榜係天然植物成分製造，
所以去到藥妝店見佢就買咗佢返嚟，
點知出奇地唔錯！
佢係洗面膏質地，加少少水就可以起好多泡，
而最重要就係洗完之後唔乾，又洗得乾淨，
大家都知日本天氣係乾過香港，
如果洗完都唔覺得乾就very good喇！
好岩乾性肌膚同埋冷天使用!
呢支洗面膏六十幾蚊，size同我地平時買嘅洗面膏差唔多大。
Bifesta eye makeup remover $55
由於我每日都會化妝，眼唇卸妝液可以話係我既消耗品，
因為好頑強既睫毛膏同眼線液真係要靠佢先落得乾淨，
而我亦試過市面上無數咁多支既眼唇卸妝液，
有啲潔力唔夠強，有啲會「拿」眼，
有啲好用就太貴…..
而呢支Bifesta既眼唇卸妝液我已經回購左無數次！
佢都係水油配方，要搖勻先用得，
質地唔算太油，唔洗驚會出油脂粒，
敷幾秒就落到曬啲眼妝，唔會「拿」眼，
最重要係＄55就有交易，有時萬寧仲會做特價添！
Karen:
Nature Republic 指甲銼 $10
以前整Gel甲都係特別偏好方形，
因為感覺上會大片啲，搽甲油會靚啲，
而家已經冇整Gel甲，所以都好少出去修甲喇。
平時喺屋企剪完指甲都一定會再磨番個方形出嚟，
指甲箝好難剪到好平架嘛，所以一定要靠指甲銼幫手。
試過一啲指甲銼只可以磨番平滑指甲邊緣位置，
而唔係真係可以磨到平晒，
所以唔係款款指甲銼都得架。
Nature Republic呢個磨紗粒粒唔算好粗，
NIVEA 淋浴式淨白潤膚素 （HK＄49.9）
呢個牌子已經聽過好多年，
咁多年嚟最記得就係佢出嘅潤膚產品，
今次佢呢支產品比較特別，佢質地雖然好似平時嘅潤膚霜咁，
但係佢呢支需要沖水嘅！
我上面呢個份量其實已經足夠搽晒兩隻腳，
再嘖多少少就可以足夠用晒全身架喇!
價錢咁抵可以有咁大支真係幾抵買!
佢用法就係沖完涼搽佢上身再沖水，
沖完皮膚唔笠之外摸落仲好嫩滑，
滋潤效果好似平時搽完BODY LOTION咁，
但佢就感覺完全唔笠！
我平時真係唔多鐘意沖完涼又搽D嘢上身，所以呢支嘢就岩曬喇!
係沖涼時已經做埋潤膚嘅步驟，！
呢枝既texture係啫喱狀，但樽身就用spray咁唧出黎，
其實會有啲難唧，唔係咁user friendly。
上手推開後好快吸收晒，感覺水潤同好清爽，
用黎做肌底液咁打打底就岩晒，
後續敷mask/ 搽cream就更易吸收。
因為50ml細細枝，仲可以用黎補妝時用，
唧兩泵份量落手掌推開再輕拍落面，做到即時補水。
我自己本身係混合性肌膚，
宜家咁乾燥既天氣，用呢枝只係覺得岩岩好，
我諗乾燥肌膚既朋友仔可能就唔夠滋潤啦！
下個月嘅好物推介再見喇!
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
