((化妝篇)) 我的偽素顏運動妝

夏天到了~~化妝品一定要以輕薄透為主，否則厚重的化妝品會令皮膚不能呼吸，而且要是溶妝更是不能見人啊 XDD

再加上現在我主要的活動除了上班工作就是運動去，預佐次次做gym / hot yoga 都會成身成面出晒汗，所以以勁清爽的運動look 示人是很重要的 XD

第三是濕疹底ma~本來夏天就太熱會比較不穩定，所以沒事的時候我就盡量少化妝，能素顏就素顏好了，不過有時又想氣息好d，所以都會以”偽素顏”上陣 XD

今日就來分享一下近日愛用的”偽素顏”妝品 =]

基本上最主要的妝品類別就是三樣: 底妝品、眼線及唇膏。

(請看next page 由底妝開始 =] )

首先是底妝品，我不太喜歡 BB / CC Cream的，總覺得用它們就不如用粉底好了，但又不想用粉底的日子 (要配合”偽素顏”的主題 XD)，我就會選用一些make up base / 有少少潤色效果的 tinted moisturizer。

而第二個要求就是要有防曬效果的，否則先上防曬再上make up base 也會變得較厚喔 =]

最近的兩款愛用品是La Mer 和 Shiseido。

首先介紹La Mer，The Reparative SkinTint SPF 30凝亮潤色修護霜，好了就有SPF30，夠晒平日用，而且有分四種顏色，香港人大約用Very Fair / Very Light，其餘的都比較深。吱出黎係膚色的，上面後好貼好保濕 (當然吧 La Mer 出品都有好多護膚成分)，做運動都唔會點脫妝，都幾持久的。當然佢既效果係比較自然有光澤感，coverage 唔算好高，”偽素顏”感很重 XD

而Shiseido 呢，All Day Brightener 都係有SPF36的，跟La Mer 最大的分別就是透明的~而且質感更加水潤，但透明就冇調色效果啦，只會令塊面更加有光澤感嫁啫~如果當日我整體皮膚比較乾，就會簡Shiseido，再on top 係重點位置加遮瑕膏 =]

(下頁繼續眼妝品 =] )

而眼妝方面呢，基本上我只係畫眼線嫁啫，最近愛用的就是liquid eyeliner，貪佢最幼細可以畫到好好好自然的眼線線條。

Eyeliner 我覺得好多開架牌子 Maybelline / L’oreal 幾十蚊都已經十分好用，我的選擇條件是要勁幼細的，而我就比較少眼油，所以都好少甩eyeliner 既，如果油性肌膚既就要小心選擇夠防汗防油的。最近愛用的有Maybelline Hyper Sharp Wing Liner，佢係雙面的可粗可幼 (睇畫解釋唔到，拎實物上手轉一轉就明)，不過我都係用幼果邊 XD

如果真係想再勁d 既 “偽素顏”，其實可以用啡色eyeliner，L’oreal 都有出的 =]

(下頁繼續唇妝品 =] )

最後就係唇妝喇，基本上幾素顏都好，有少少唇色就會變得有氣息嫁喇! 而且做運動流汗都唔會好影響到個咀，都唔驚搞到皮膚差，所以唇膏是我必備的 =]

唇膏方面冇咩特別條件，最主要都係簡返夠潤同埋隻色靚就ok XDD

每次擦唇膏之前我都會塗厚潤唇膏既，之後再用手指high下支唇膏拎少少色，輕輕印係唇上面就搞掂! 咁樣比起直接拎唇膏擦上咀會自然得多 =]

近日愛用是Lancome 唇膏 Rose Lancôme – n°368 是以Lancome 為名的玫瑰花主色，呢隻色超靚! 係好sharp 既玫紅色，而且都幾潤 =]

而Clinique 新出既Pop Lip Colour + Primer 都係好出色，顏色好可愛!

最後都要講多句，其實都係貪靚先化個 “偽素顏妝” 去運動，當然最好就咩都唔化素顏去運動對皮膚最好啦！而我自己就跑步會全素顏，因為塊面會勁出汗，驚毛孔擴張吸收晒d makeup 呀! 而Gym / Yoga 我自己塊面都唔會特別出好多汗，尤其如果當日之前有約要見人，就會化少少妝等自己醒神d =]