出Trip買買買之飾物篇

Mar 19 2014

上兩星期同大家分享左唔少係韓國買嘅戰利品~
今日就同大家介紹下一啲出Trip買返嚟嘅飾物啦!
平時出Trip通常都係因為做野而去~
做完野緊係會行下街啦!
因為係香港根本唔會有時間Shopping,
有時間都返左公司做野!
識我嘅朋友都知道我好鐘意買野,
衫褲我就多數上網買,而買鞋就親身去試,
咁其實飾物我都好鐘意親身揀完先買,
因為可以睇真啲質量同襯返自己風格~
但真係好難係香港買到啱心水嘅飾物!
一來係香港真係冇時間行街,
二來香港鋪仔買又貴又唔抵,分分鐘仲係淘寶貨添!
所以去旅行我都唔會放過掃飾物嘅機會!
而加就等我分享下去旅行買嘅飾物啦!

首先緊係同大家講新鮮滾熱辣係韓國買返嚟嘅飾物啦!
平時去韓國唔係買化妝品就係買衫,
今次我都有買一啲Design Brand嘅衫,
但價錢都偏貴所以今次唔介紹啦!

平時我著啲衫比較素色,都係以黑白灰為主,
好鐘意揀啲特別飾物襯下!
係行明洞竟然俾我見到間小店賣嘅飾物好特別~
雖然係泰國製造,
但每條款式都係由唔同嘅小飾物拼合DIY而成,
好獨一無二嫁!不得不讚佢地入貨入得好好啊!
而且同行有個Fashion Editor朋友都講咁嘅款香港買起碼要千幾二千蚊條,
而呢度只係賣數百蚊一條,
我緊係即刻揀多幾條啦!

頸鍊我都揀左兩條嫁!
好似我咁鐘意著素色衫襯返啲浮誇飾物即刻成個人Sharp哂~

大家可以睇下佢啲細節做得幾細緻~
即使強烈嘅對比色都襯得好靚好特別嫁!

呢條手鋉都係果間店鋪度買~
係咪好特別先!?
就算著普通衫或者出席重要場合都carry到嫁!

而呢幾隻咁可愛嘅小馬匙扣都係購自明洞!
而加都好興啲大飾物匙扣~
見到緊係唔放過啦!

講完啲係韓國買嘅飾物等我再講下係其他地方買嘅飾物啦!
我不嬲特別鐘情手鐲~
因為我手好幼成日都買唔到Fit size手鐲!
可能愈得唔到嘅就愈想要啦!
一有機會Shopping都會特別留意啲手鐲!

呢隻皮窩釘手鐲係購自台灣東區Chole Chen,
在台北都有幾間分店,
係由台灣名媛所設計,
一試上手就好Fit我size~當然即買啦!
店鋪上都有衫袋鞋買,
啲衫款都好靚,但價錢偏中上,
大家去開台灣有興趣的話可以去睇下!

呢隻金色手鐲都係購自台灣東區,
特別之處可以自行調節大小,
可以因應每個人作調節!設計非常窩心!
而且價錢非常親民,只需要幾十蚊就有交易!抵!

再介紹嘅兩款手鐲價錢偏貴,
係購自外國,
佢嘅手工非常之靚,
而且閃石選料都係高質素!
物有所值!

而且扣位設計好特別,
就算粗幼手都可以帶到,
而且做到好貼手效果!

外國款真係手工又靚款又襟興!
就算貴少少都係必買items!

呢條珍珠鍊純粹因為我好鐘意珍珠所以係網上面買~
襯下衫都係一個唔錯嘅選擇!

呢個釦針都係購自韓國嫁!
啲閃石質料都無錯嫁!其實我鐘意買野大家都知啦!
但除左鞋同袋幾貴都捨得買之外,
一啲普通飾物真係唔太捨得買,
畢竟都唔係真野!
所以我通常都只會買啲中下價錢嘅飾物嚟mix and match!
識襯其實都可以襯得好靚嫁!
大家去旅行都可以搜羅下啲特別飾物啦!