假日休閒High Tea
我自己平時就鍾意tea time先去食野，
一來無lunch time咁多人，
二來free好多，休閒好多，
之前見到朋友去左呢間餐廳食野，
我第一樣留意既唔係佢啲野食，而係佢既裝修，
所以前排我約左朋友去high tea喇！
一入到黎見到門口既裝修，都已經非常吸引我，
鮮花、花樽、地氈、座椅、透光格仔大門玻璃窗等等，
全部都係我鍾意既style！
大家都知我好鍾意睇家居或者餐廳既decoration
for怖置自己屋企或者event setup，
呢度既裝修真係好靚，好似我屋企既style。
牆身灰色、湖水綠、淺藍色，classic得黎又唔老套。
就好似呢個手畫牆紙，我屋企都有架，
不過就唔係呢隻色，
呢隻湖水綠色都好靚！
食完環境之後就食主菜啦。
呢度比人感覺好舒服，而且tea time好少人，
可以靜靜地去享受成個tea set 。
平時成日聽人講邊個邊個tea set好食，
但好多都名過於實，
好似我之前去英國食果個咁，真係太甜，
唔係好岩香港人口味。
今次呢個high tea set令我喜出望外，
味道好價錢平，
個價錢真係比其他地方平一半有多，
只係＄26x 一set + 野飲，即係每個人百幾蚊！
而且份量亦都唔少，左右各一人份量，
兩個女仔慢慢食都食到好飽。
上排部分係咸點，每件都好好味，
唔會太濃味或者太鹹，
如果太濃味就好快食到好飽、好膩。
甜點部分就有朱古力蛋糕、scones、Tiramisu，杏仁奶凍，
全部亦都唔會太甜，糕點好鬆軟，
同埋我自己好鍾意食tiramisu，全部都食晒。
雖然平時我鍾意杏仁味既body lotion，
但係食就真係麻麻，佢呢個杏仁奶凍味道其實好清淡，
我自己真係麻麻隻味所以只係試左少少。
如果大家行過中環都不妨去試下，
雖然中環都有好多high tea既地方，
不過呢度就勝在平，又舒服，係一個同朋友傾計既好地方。
佢既地點都好就腳，只係喺石板街附近。
想食呢個high tea set 要下晝3點後walk in，無得book位架。
我未去high tea之前都有諗住book dinner time食意大利菜，
因為佢地lunch / dinner都有得book既，
不過我早兩星期前打去都已經full左！
所以想試佢地既lunch / dinner就要早少少打電話去啦！
Gradini Ristorante Italiano
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
