個個都錫住對眼　個個都真係識護眼咩！

眼睛要定期檢查

天天化眼妝戴Color con，塗抹eye cream、按摩雙眼，如此著重雙眼嘅修飾，但卻往往忽略真正去護理眼睛。經常對電腦、手機，令現代人提早出現不同的眼科疾病，定期驗眼就可以助我們針對性地護理眼睛。

理大護眼（PolyVision）就有全面的眼科視光檢查服務，並由註冊視光師（第一部份）負責！約一小時嘅檢查服務，包括眼內壓量度（初步測試青光眼）、屈光度數檢查（如近視、遠視、散光或老花）、雙眼協調能力（如斜視、立體感）、眼睛內外健康檢查（放大瞳孔檢查視網膜及黃斑點）、視力測試（如弱視）、色覺普查（如色弱）、拍攝眼底影像，全面檢查過後，註冊視光師已即時發現我眼睛有「問題」！

其實我嘅眼睛一出世便有個小缺陷，就是左眼眼睛有兩組肌肉唔識郁，原來人嘅眼球需要靠肌肉去活動，一隻眼睛就有8組肌肉，由於我有兩組肌肉唔識郁，致令我的左眼不能順利向左、右移動，而這個問題，理大護眼嘅眼科視光師都有詳細跟我講解及分析。他提醒我這個問題已錯過了最佳嘅手術時期，隨住年齡增長，問題會愈來愈嚴重，現在只能用「意志力」去控制眼睛郁動，但惟一可幸嘅係，就是現在仍沒有出現弱視（因左眼未能順暢郁動，會嚴重依賴另一隻眼睛去看東西），亦沒有老花問題（好嘢），只是「很搞笑」地，原來我嘅近視度數完全錯晒！而且一直配戴錯嘅眼鏡，OMG！要即刻去配副新眼鏡至得喇！

驗眼小後感：小時候因為眼睛缺陷，已有定期驗眼嘅習慣，可是長期了就好懶惰，多年未有去驗眼，這次為雙眼做齊多個驗查，除了小近視與原來的缺陷，眼壓、眼底等都沒有問題，真的很感恩。提提大家，驗眼就同身體檢查一樣重要，定期做檢查才可以令呢對幫我哋睇盡世界嘅眼睛健健康康，同身體一齊快快樂樂生活下去。