你自己已經是福氣

人哋讚瘦，會話“點會呀，肥咗勁多囉…..”；
讚你高，又話“高又點呀，咁大隻咁肥…..”
你哋讚皮膚好，又話“吓，你好過我啦，我毛孔又粗，近來生多咗粒粒(其實唔放大又睇唔到嗰喎)”；
讚你小朋友乖，又話“佢勁惡啦，又唔肯食嘢，又懶….”；
讚你叻，又話“邊個個叻好多啦……”；
讚你另一半好，又話“邊好呀，又唔幫手做家務，賺錢又少……”
讚你間屋整齊，又話“間屋細到死，邊個邊個間屋又大又靚又多工人……”；
其實讚咩都會死，女人很難服侍。

重點是，你彈佢呢，佢又接受唔到，直頭會同你死過….

但讚又唔接受，彷彿要踐踏到自己差過大媽咁….
(但事實卻又接受唔到真係有人話自己，踐踏只限自己講架咋)
女人，點解要令自己咁唔開心？
好多人會將自己同明星比，
覺得明星又靚又瘦又皮膚好……
其實作為資深化妝師，
唔係話神化化妝師，
然而鏡頭前的皮膚好，靚……你知道化妝師功力多深厚嗎？
你無見過面又黃又多油，多斑多印，眼圈跌到落肚嘅before 咋…..
若不是化妝師、髮型師、造型師….你們根本不會羨慕佢哋呀(當然也事實有天生靚質的).
又佢哋三餐唔飽，你哋又想做嗎？

我成日覺得過分美化的廣告害死很多人……
所以要做開心現代人，
真係要遠離些廣告。
不要被美化了的表面，而影響你真實的自己。
要是你想好似佢哋咁先會自我感覺良好的，
花一點錢請我們這些專業人士幫忙就可以，
但你會真正快樂嗎？
(相信我，一般嚟講，好少人好差架咋！！！)
人有要求是正常的，
但如果個要求讓你覺得有壓力，唔開心，
那就是過分的要求了….
然後，對於事業，
又很多人會將自己同別人的成就/生活比，
但又有沒有去比較下背後別人也許承受過幾多排山倒海的壓力？
付出過多少年的時間……

唔好成日以為人哋畫張畫好易，
做對眉化個妝好簡單，
唔好容易輕視人；
因為當別人同樣地輕視你時，
如覺得生仔湊仔都好易，
覺得計數可以話咁快，
寫project 唔用腦都得嘅時候…..
你會覺得委屈嗎？

你不必一定要認同別人的成就／ 生活，
(不容易輕視人已經是一個尊重。)
我只是想說
你也不必因為別人的成就而失意忿恨。
別人配得到的，
因為只要你有付出都一樣配得！！！
當你真正配得時，那就欣然接受吧！
拒絕讚美不等於謙虛喔。

世界上呢…….
沒有完美的人，
沒有完美的事…..

沒有完美的生活，
沒有完美的工作，
沒有完美的家長，
也沒有完美的孩子…..
就是因為不完美，所以你才有進步和努力的動力，
就是不完美，才真實，
那不完美的部分才顯得你美好的地方更美。
而你今天獲得的愛，喜歡你的朋友，
為你付出的家人，
都不是因為你靚唔靚，叻唔叻，
而是因為你是你…..
如果你覺得不斷踐踏自己會開心，可以令件事更好的，
歡迎繼續的…..要不？
別被你的要求遮蔽咗你的快樂。

換個角度，看看好的部分，
你才見得到你擁有的幸福。
記得，目光只集中你自己，而不是看別人喔~~~

Website:www.wahahafactory.com
Fb:maysumofficial
Cat page:sillycatsfamily*由於fb 改咗制，大家以後要like每一次嘅post 先會一直睇到我嘅最新嘅post，如果唔係只會睇到舊嘢架咋，所以……你哋自己like 下啦都：）hee