你不可不知揀零食嘅秘訣
零食係OL嘅至愛，亦都係我Dining娜嘅至愛。返工無聊或者OT辛苦嗰陣，成日都會忍唔住口想食零食，唔好以為我「食極唔肥」，其實我係嗰種「食少少都會肥」嘅人，所以喺揀零食方面最有心得。一講起食薯片、朱古力好多人就會諗起好鬼肥、好鬼唔健康，甚至認為係十惡不赦嘅行為，其實零食又有咩好怕喎！
識睇一定係先睇營養標籤
唔好以為標榜「零反式脂肪」、「不含味精」就揀得落手，其實據香港營養標籤規例，每100g不超過0.3g反式脂肪都可標示為零，所以千其唔好相信生產商嘅語言偽術。如果見到「人造牛油」、「植物奶精」、「植物起酥油」、「氫化植物油」等，就9成都有反式脂肪，姊妹們記住下次買零食，唔好再俾人搵笨啦！
