一粒都嫌多自創去油脂粒護膚法
真人真事呀！我曾經為了臉上的油脂粒走去看皮膚科醫生，總之出盡辦法，惟臉上粒粒不但沒有被解決，反而越出越多，尤其額頭成為重災區。
喀～我就係唔信邪，話晒都美容編輯，無理由搞唔掂，於是，我自創個人護膚療法，不消一個月，額頭粒粒不治自癒。事先聲明，方法未必人人啱使，但個別產品的確有效。(#^.^#)
方法一：唔用面霜，只要精華
我唔係講笑，油脂粒最嚴重的時候，我真係一滴cream都唔用，問題就自然解決了。要知道油脂會因為用了不適當或分子太大的護膚品而致，久而久之當皮膚無法吸收護膚品的養分而積在表皮，便會形成臉上油脂粒粒。自此事之後，我便斷定自己皮膚不適合用面霜類產品。
唔用面霜，點護膚？當時我用盡針對皮膚所需的serum、lotion、emulsion、oil等產品，遇上極乾天氣，潔面爽膚後我會用精華＋護理油。雖然呢個方法很奢侈(serum貴好多耶(^з^)），但對我的皮膚，堅work！
推介產品：
2/晚晚敷mask
針對去除油脂粒，我會推介Dr Kendrick Advance Radiant Gel Mask。一般使用說明敷30-60分鐘，有時我懶得抹，就索性當sleeping mask用，翌朝洗面，皮膚會變得很滑溜。當問題最嚴峻時，我真係好勤力晚晚敷，一支80ml，夠用幾星期。
3/減少化妝
化妝是必須的，但唔使見人的日子，我就只用遮瑕膏與碎粉，盡量減少全面使用濕粉。過咗一排，皮膚真係好咗喎，因此一支信得過的Concealer確實很重要！
推介Cle de Peau Beaute遮瑕膏，懶人化妝根本唔會分顏色，一支走天下遮全面就最good fit。呢支膏狀支裝設計，扭出嚟可以直接塗於瑕疵上，連手都唔使洗。大愛！
以上去護膚療法純粹個人自創，唔知啱唔啱大家用，其實個人皮膚確實有啲難搞，講住咁多先，下回待續。。。。
