『＃贏在射精前 』OR『贏在射精年』？
自古以來，小朋友是天賜。但因香港好的學校學位有限，競爭大，又唔想個B變成「超大仔」《所謂「大仔」是指年頭出生的小朋友（大約1-3月），而「細仔」即是年尾出生的，所以如果「細仔」遲一年入學，就變成「超大仔」兼且要上多一年PN (pre-nursery)，增加成本》，而且有部分幼稚園，未必喜歡收「超大仔」，所以啲家長都係度計緊幾時『搞嘢生仔』最有利，實行計到盡，真係未雨綢繆！
如果根據以上的情況，咁應該每年大約農曆三、四、五、六月《太約西曆四、五、六、七月 》日日都要『搞』？如果唔得，係唔係下年請早？！
如果由術數角度來講，重大件事。『紅鸞』主嫁娶、『天喜』主生育、『咸池』即係咸濕，三樣星星都有『搞嘢』成份。下邊嘅『搞嘢』月份表，是依據個人的生肖作計算《不是『生日』那天作計算》。黃色highlight嘅日子，能夠配合到『贏在射精前』的要求。咁樣計法，屬鼠、屬馬同屬羊就『跑輸射精前』？嘩，再計下，下幾代，香港會少咁啲屬鼠、屬馬、屬羊嘅朋友？《笑爆嘴》
備註：黃色highlight代表能夠『贏在射精前』的月份
如果要考慮到『贏在射精前』，咁家長重要考慮埋『贏在射精年』這條大數目！例如
2016『丙申』年出生的小朋友，心臟、血液會有較多的問題發生。心臟科醫生的收費一定會比一般家庭醫生收費貴一至兩倍。
2017『丁酉』年出生的小朋友，氣管，胃部，泌尿，腎會有較多問題發生。如果係普通咳嗽，一般家庭醫生都可以醫治，而且價錢比起專科醫生便宜，家長值得考慮。
2018『戉戌』年出生的小朋友，思想、學習能力、骨頭會有較多的問題發生。家長可能要長期請補習老師、或要為小朋友報讀多個補習班。條數真係會好襟計！
擇個好日子生小朋友當然好，但家長唔好忘記，出生子女的運勢亦要配合自己的運勢，否則小朋友容易夭折或跟你變得緣薄。
本人覺得『胎教』及『後天培養』是最重要的，但亦唔好過份“谷爆”個小朋友，等佢有童年陰影。小朋友應該有佢哋嘅童真，順其自然亦不是一件壞事。
