「返唔到轉頭」系列(二)：工人
諸葛公主說過：「男朋友可以冇，但工人一定要有。」這句話令她備受千夫所指，其實她有說錯嗎？
我是懷孕後才請工人的，之前就由我跟老公分擔家務，由於在娘家一向不用做，所以不擅也不願做，只是每星期負責吸塵抹地而已。請了工人後，每天回到家地板都抹得乾乾淨淨，飯來張口，飯後還有各式水果吃，西瓜固然切成粒粒，提子也剝皮去核，我忍不住跟老公說過：「你冇豪宅、名車、珠寶也無所謂，但至少給我一個工人就夠。」
不過，有個完全陌生的人同住一屋，也有很多問題的，而且要將自己最寶貝的BB交給她照顧，真的是萬分不放心，所以我一直把囝囝連工人放在媽媽家，有屋企人睇住，自然放心得多。囝囝三歲，共請過3個印傭，第一個做了年多，以回家照顧兒子為由辭職，第二個只做了五個月，最後我忍無可忍將她炒掉。現在的一個已做了年多，很錫囝囝，照顧得很周全，只是略嫌有時太遷就囝囝了。
以下是幾個有關外籍傭工的小故事，以示警惕，當中有我親身經驗，也有朋友的故事：
1. 冬天時候，每朝早傭人替兒子洗面時，小朋友都哭得死去活來，一連幾日都是如此，媽媽覺得不對路，走上前一摸，原來傭人一直以凍水替小朋友洗面，而那幾日氣溫只有幾度。
2. 新請的傭人餵BB飲奶，出奇地平日至少飲半小時，但新傭人不用十分鐘便從房出來，表示BB飲完了，原來不是BB飲完，而是她將奶倒了。
3. 將一個13個月的BB獨留在家落街買嘢。
遇到一個好的工人，有時多少靠運氣，，不過回心一想，其實這班外籍傭工真的很悲，自己有仔女不照顧，離鄉別井到陌生的地方照顧別人的子女，而且兩年內完全見不到親人，只能靠通電話，所以作為僱主，我也會盡量體諒，可以遷就的也就算了，不會跟她計較，她做得開心，自然會對囝囝好些呀。坦白說僱傭之間的相處真的很講學問，所以都係嗰句，不想跌入這萬劫不復之境，便不要開始了。
其實諸葛公主的是肺腑之言，要知道男朋友的來去不到自己決定，可是工人卻可以由自己話事，A工人走了，可以請個B回來，就算B不合用，還有C呀。
很同意你的說法, 我未有小朋友,但之前都請過工人,因為係照顧當時患病的媽媽, 我覺得我都算好彩,請了3個都算ok,係其中一個就差d,因為佢周身債,之後仲返返黎我家偷東西..最後請的一個工人, 人人都話她很stupid,但我反而幾接受,我prefer佢stupid 少少都好過太古惑,而且我覺得她都尚算整齊清潔(可能我要求不太高),所以媽媽走了之後,我都堅持完成佢2年合約先比佢走,因為佢都好慘,來了不久我媽媽就走了,突然要她回去,又不是她的錯,所以我希望她可以完成2年合約先走,等佢有個預算,因為佢黎都要比agent 費用…我都覺得你對佢好d,佢對你都會好d(一般來說),所以我都好認同你既做法 🙂
Hi Jovi,
是呀, 揀stupid有stupid好, 通常個人簡單D, 冇咁多蠱惑野.
係呀, 佢地初頭個六個月既人工都要俾agent, 所以第二個工人本來都唔想咁快炒佢, 不過因為佢打我個仔, 我個仔見到佢一行埋黎就係咁喊, 我先即炒.
將心比己, 我有想過, 就算俾多幾倍人工我, 我都唔會離鄉別井去打工.
oh, Michelle, 感同身受呀!!
我請工人照顧有老人痴呆的麻麻, 坦白說, 我有時都會嫌麻麻很煩, 但好彩有工人啊~每日有湯飲/唔洗洗碗/切粒水果, etc…
所以我都對佢幾好, 嘻嘻, 有時d衫過了季都俾左佢(有d連著都未著過 =P); 清左我個衣櫃, 又可以買新的, yeah!
Hi JK,
是呀，你要我咁樣係屋企湊仔，我真係做唔黎，所以對佢好Ｄ，大家都開心啦。