「整個」蕃茄飯-(改良版)+芝士蒜蓉焗菇
唔知大家有無留意最近網上好流行「整個」蕃茄飯呢?
顧名思義就係原個蕃茄放入個飯煲度一齊煲啦!
有好多網友都大讚係好食到呀媽都唔認得,
充滿好奇心既我一於試整一次先,
不過由於網上都有好多人教整呢個飯,
而我覺得剩係得蕃茄同白飯有啲dry ,
所以我今次就整個加料版本,
睇下味道如何先。
Step 1)洗米 (我相信呢個Step唔洗我教啦!)
Step 2)根據以上份量,放入調味料
Step 3)放入約半碗芝士碎
唔知係咪我落得太多蘑菇?
個飯係充滿住芝士同菇味,
仲有陣陣既帶子味~
反而蕃茄味就無乜,
如果想蕃茄味濃啲既話,
下次可以落多個蕃茄!
不過整體黎講個味都唔錯,
最重要係易整又方便,
放曬啲材料落去同個飯一齊煲就得,
大家都可以放自己鐘意既食材落去試下呀!
通常係街買到既蘑菇都係一pack咁賣,
頭先用唔曬都唔好浪費呀!
等我教大家用剩低既材料整個超簡單既芝士蒜蓉焗菇啦!
Step 1)先將蘑菇去椗及印乾水
Step 2)搽上牛油
Step 3)加上蒜蓉同香草
Step 4)最後放上芝士碎
Step 5)用錫紙包住 (以防個蘑菇焗得太乾)
Step 6)放入焗爐用180度焗15分鐘
Done!!
如果大家同我一樣好鐘意蒜蓉芝士味既話,
就一定會好鐘意呢個菇啦!
係個焗爐拎出黎果陣成間屋都充滿住呢個味呀!
食落去依然好多汁唔會乾,
用黎送下飯都唔錯架!
煮野食同化妝一樣,最好玩既地方係可以發揮下創意,
唔一定要一成不變,
當個效果出黎好滿意果時,
個滿足感真係會好大,
大家得閒就可以發揮創意研究下新菜式啦!
如欲取得更多第一手美容及扮靚資訊
可瀏覽Girls Talk Main Blog:
Girlstalk Blog
或 Like我們的Facebook專頁:
Janice Lam Makeup Workshop Facebook
(版權所有,未經同意不得轉載。)