「哲」語錄

網誌
Michelle Lau


真的不得不認老，不經不覺囝囝已經三歲，三年間看著他的成長，感覺真的很奇妙，由他第一次喊爸媽開始，我都會紀錄下來，現在更可以將這些回憶告訴囝囝。到他開始說話至現在的牙尖嘴利妙語如珠，反而沒有好好紀錄下來，加上人老了，記憶力日差，很怕有日會忘記，所以一直想將他每句說話記下，老來拿出來看看也好。

駁嘴串爆實錄
有一天，我請了假在家，囝囝要看Mickey Mouse Club HouseDVD，婆婆說：「讓我看完新聞才看吧。」那時已經12:55pm，但囝囝不肯，更大哭起來，婆婆即時妥協，我立即更正：「唔好就佢，話唔俾就唔俾，喊就更加唔得。」當婆婆看完新聞，叫佢出來看DVD，囝囝同阿婆講：「阿婆，你唔好咁就我啦！」

那天跟囝囝說起他的老師：「Miss Lila都幾靚呀！」囝囝即時答道：「Miss Lila?邊個o黎架?我唔識邊個Miss Lila喎，我個老師叫Miss Leila呀，媽咪！」

爸爸見囝囝不停飲水，便說：「好啦，一陣飲晒放學無得飲呀。」囝囝答：「飲晒咪再斟囉！」

囝囝自從去過同學位於飛鵝山的屋企後，自行得出結論：唔使搭電梯的屋企很大，要搭電梯的家很細。有次我跟他說：「下次我地去auntie Jenny屋企玩。」他立即問auntie Jenny:「咁你屋企使唔使搭電梯呀?」auntie Jenny答：「要呀。」囝囝皺起眉說：「咁你屋企咪好細囉。」

另一次我跟他說：「Ivy姨姨話叫你去佢屋企玩呀，佢屋企唔使搭電梯架。」他又問：「咁Ivy姨姨係咪住飛鵝山呀？」我答：「唔係呀，佢住元朗。」他再問：「佢點解唔係住飛鵝山呀？係咪佢爸爸搵唔夠錢買唔到飛鵝山俾佢住呀？」

去年，囝囝學校派了個籌款箱為貧窮兒童籌款，我向他解釋：「有些小朋友好慘，冇得返學冇玩具，我地籌款幫下佢地啦，同埋要珍惜唔好浪費呀。」囝囝聽後問我：「咁啲小朋友係咪冇iPhone玩o架？」我答：「梗係冇啦，連小玩具都冇呀，有些小朋友奶奶都冇得飲。」當他拿著籌款箱叫表哥舅父捐款時，他說：「嗰啲小朋友好慘o架，佢地冇iPhone呀。」

有次婆婆又投訴囝囝亂攪櫃內的玻璃瓶，我對囝囝說：「玻璃瓶唔可以亂攪，如果阿婆有啲緊要既嘢，俾你一打爛咗就冇啦。」囝囝即時問：「咁如果唔緊要呢？可能阿婆啲嘢都唔緊要呢。」

攪笑爛gag篇
去日本旅行時，囝囝突然提出要到Thomas Land，但由於太遠，我故意說那裡附近有鬼屋，希望囝囝會打退堂鼓，怎知他聽後，鬼鬼馬馬地說：「鬼屋？咁有冇鬼佬架？」

囝囝跟婆婆一起追看電視劇，尤其之前播映的《談情說案》，愛煞Kingsley(劇中林峰的英文名)，大結局後，突然有一日，他跟我說：「媽咪，Kingsley而家改咗名。」我問：「係呀，咁佢而家叫咩名？」囝囝答：「林峰。」

囝囝扮醫生同我睇病，認真地寫呀寫，又問我有咩唔舒服，然後遞張紙俾我，「媽咪，你有病呀。」咁我問：「吓，Dr. Kong我有咩病呀？」囝囝立即答道：「你有－－公主病。」

上星期跟他到迪士尼，我被曬得有點頭暈，跟囝囝說：「咁曬法好易中暑o架。」隔了一陣，他手郁郁跟我說：「媽咪，你睇下，我種緊嘢呀。」我問：「你種緊咩呀？」他說：「我種緊－－暑呀。」

有次他病了，可能太多藥，姐姐餵藥餵錯晒，有些就食得太少，有些應該一日三次的，就食足四次，我們回來看見即時更正。怎知第二日，我哥哥打電話來問囝囝病況，他又攪爛gag：「冇咩事，我食錯藥啫。」

囝囝經常學大人說話，一次他說：「我聽日約咗我啲同事食lunch開會呀。」爸爸問：「咁有幾多個人開會呀？」囝囝答：「10個呀。」爸爸再問：「咁你地開咩會呀？」囝囝一臉認真地答：「開…生日會呀。」

你可能也喜歡

There are 15 comments

Add yours
  4. wingyee

    HAHAHAHAHAHAHA SOOOOOO FUNNY!!!
    你個仔好鬼醒！
    不過聽到d串嘴語錄都幾激氣。童言無忌啦~

  7. TOUTOU

    林峄個段野,令我諗起有晚我老公好認真教個囡佢自己個全名,可惜講完比個囡知,最後個囡都話: [你係叫DADDY呀!] 個囡而家29個月,,,MICHELLE 你囝囝知唔知你全名係咩???

  8. michellelau

    hi Jovi, Peggy, Hilda, wingyee, Yuki, Fi & Toutou,
    我起初仲驚大家會覺得悶, 因為我有時會以為係阿媽先覺得自己個仔攪笑.

    Toutou,
    我囝囝好耐前已經知道我同爸爸全名, 同埋唔知幾時佢已經成日叫我Michelle Lau, 可能姐姐成日拎本More教佢啦, 所以我冇特別話佢聽, 佢都知我叫Michelle Lau. 佢呢排仲成日話要跟我姓劉, 然後自己改咗個名話叫: 劉文江喎, 笑死我!!
    可能我屋企多人, 佢好細個就成日聽見婆婆叫佢爸爸全名, 婆婆平日都會教佢我既全名, 所以佢唔夠兩歲已經知道我同爸爸既全名啦. 你可以多d係囡囡面前嗌老公全名, 等佢知道爸爸唔係叫daddy.

  14. Jessica

    hi I’m one of yr reader just recently…thks for sharing all those fashion stuff!
    The abv dialogue is really ho ho siu XDD
    yr son is just too funny…
    think that’s why you love him so much : )

Comments are closed.

Recommended