曾志偉心水視后落選15字回應 馬國明感失望「公司差佢一個視后」

曾志偉強調評選制度公道

無綫總經理曾志偉日前現身《2022北京冬季奧運會》記者會，談及今年《萬千星輝頒獎禮》最高達29.1收視點，成績十分不俗。但對於林夏薇爆冷力壓鍾嘉欣奪視后，惹來大量網民不滿，曾志偉亦大感無奈，並強調評選制度公道：「今年制度係盡量公道，係觀眾、職員同藝員夾埋投票嘅最高票數，所以都係眾望所歸。」他續稱︰「其實我心水係黃智雯，佢喺台慶嘅表現都好好，而我都有讚過佢演文戲嘅表演都好好，亦都喺唔同嘅劇都有好表現。但係始終我哋幾個人開會，各個人心水都唔同。」

馬國明：公司爭佢一個視后

早前《萬千星輝頒獎典禮2021》最後5強誕生時，馬國明和黃智雯曾一同接受無綫《東張西望》訪問，曾和黃智雯多次做拍檔、私底下亦勁friend的馬國明，直言睇好智雯攞視后，更揚言：「公司爭佢一個視后，佢唔攞獎，我解約！」馬國明此話一出，黃智雯即爆笑直言：「玩到咁大？我好大壓力！」

視后結果出爐 馬明嗌失落

現在視后大獎已由林夏薇奪得，有不少網民重提馬國明和黃智雯這段訪問，有網民希望馬國明不要「找數」，更話「通常要解咗舊約後再傾簽新約」、「吹水only」等，但亦有網民笑指：「馬明講到咁大，唔通係離巢預告？」、「佢想解約返大陸拍戲」、「希望他講得出做得到」等等。而馬國明回覆傳媒查問時，就話好失落，唔回應喇。

黃智雯由空姐變港姐 單親出身靠兼職養家

39歲的黃智雯來自單親家庭，自小與媽媽及家姐同住，她在於演藝舞蹈系畢業，畢業後曾做過3年空姐，07年參加香港小姐競選，五強止步之後她才進入TVB工作。

初入行都只被分配閒角沒有太大發揮，因此需要身兼多職教琴及教舞，依靠家人接濟。

補習名師家姐半隻腳入娛圈

入行10多年一直以來黃智雯都有家人默默支持，如同餅印的家姐原來是補習名師Cathy Wong，曾經更在TVB的《補習升Level》及《極速拼寫講》擔任節目主持人，兩姐妹更試過「拍住上」一同在YouTube做節目，可能受妹妹的影響，相信透過上電視/YouTube增加人氣和名氣，最後亦成功自己創立門戶成補習社導師。

黃智雯甚少緋聞 與男友詹文天拍拖9年打算舉行婚禮

黃智雯入行多年來緋聞不多，直到她遇到比她年長幾歲的珠寶集團高層男友詹文天（Anthony），與男朋友拍拖已有9年的Mandy感情穩定，之前已進駐男友位於東半山的2,000萬豪宅同居試婚，有傳原本在去年已打算舉行婚禮，但因疫情關係需要延期。此外也有指Mandy近年一心想在事業上再創高峰，因此決定將婚期押後。

曾有知情者指：「其實Mandy係有過結婚衝動，仲有結婚計劃，但後尾男友工作突然好忙，《降魔的》之後Mandy又劇接劇，公司畀好多機會佢，加上TVB花旦凋零，鍾嘉欣、香香都唔續約走咗，佢覺得呢個係自己搏殺嘅最好時機，唔想錯過發展機會，佢覺得結婚遲一步都唔係問題！」

常見問題:

問: 今年《萬千星輝頒獎典禮2022》的賽制是什麼?
答: 16大獎項由觀眾、TVB評委會（由創作部及製作部的幕後人員組成）及…投票選出，詳情請看。
問: 曾志偉的心水視后是誰?
答: 曾志偉心水是《把關者們》的黃智雯。