25歲「翻版唐詩詠」入行五年即做女一 曾於日本留學成新一代宅男女神＋被揭疑介入林穎彤及伍富橋戀情﹗

《愛上我的衰神》陳嘉慧同胡鴻鈞玩「人鬼戀」﹗

《愛上我的衰神》於12月27日晚上九點半播出，一共十集，劇集建構全新世界觀，設定死後並非是上天堂或下地獄，而是前往不同維度繼續生存，完成任務便能升級前往更高級別維度﹗ 女主角陳嘉慧飾演的小渝死後進入了第二維度，其任務是做飾演外賣員北河（胡鴻鈞飾）的衰神，陳嘉慧要不停送厄運給胡鴻鈞﹗

新晉力捧25歲小花陳嘉慧

陳嘉慧去年開始做兒童節目《Think Big天地》嘅主持，亦有參與唔同綜藝節目嘅拍攝，如《Ben Sir睇樓團》、《大玩特玩》及《眼睛去旅行》等。據知無綫近年致力發掘花旦接班人，而陳嘉慧亦被安排喺多套劇集中現身，去年佢喺劇集《解決師》內飾演學生「陳佩慧」，與一眾美少女郭思及林映蔚等人做唐詩詠學生；喺《降魔的2》其中一幕，陳嘉慧又豁出去瞓垃圾堆，表現專業，新人之中佢都算多機會。

陳嘉慧12歲移居、升讀大學畢業

原來陳嘉慧的母親早年喺日本工作，在她12歲時已帶她移居日本讀書，陳嘉慧大學畢業於日本櫻美林大學，故此能講流利日語，不過佢並冇留日發展，選擇隻身回港發展，喺日本長年生活亦為佢嘅事業帶來優勢，不時獲安排一啲要去日本拍攝嘅旅遊節目及需要用日文溝通嘅主持工作，連導演用日文講對白時都會問佢意見。

陳嘉慧自問不夠好

陳嘉慧唔止有學識有樣，原來身材都好惹火，喺佢社交網搵到出外旅行嘅泳照，身穿比堅尼上圍呼之欲出，白滑皮膚亦有搶眼，不過佢竟然覺得自己個樣同身材都唔夠好，所以冇膽去參選港姐，仲話深信演戲生涯會跟選港姐道路一樣精彩。

曾介入林穎彤和伍富橋疑成為小三

《愛上我的衰神》播出後，陳嘉慧火速被網民起底，更被翻舊帳爆她曾捲入小三疑雲，有指林穎彤和伍富橋玩地下情多年，去年突然爆分手，有指陳嘉慧介入二人戀情﹗ 被冠上小三之名的陳嘉慧即澄清自己有個感情穩定的圈外男友，男友跟伍富橋相識﹗ 男主角伍富橋就抵死指兩人只是「友誼波的誤會」，指大家是一大班朋友的波友聚會，陳嘉慧是朋友的女朋友﹗ 而林穎彤就話本身唔識陳嘉慧，但就相信同伍富橋一起時，冇第三者出現，但對陳嘉慧及伍富橋的緋聞，林穎彤就叫記者呢啲嘢問番當事人﹗

陳嘉慧唔止有學識有樣，原來身材都好惹火，喺佢社交網搵到出外旅行嘅泳照，身穿比堅尼上圍呼之欲出，白滑皮膚亦有搶眼，不過佢竟然覺得自己個樣同身材都唔夠好，所以冇膽去參選港姐，仲話深信演戲生涯會跟選港姐道路一樣精彩。做人有理想有信念係好，不過娛樂圈好現實，唔知陳嘉慧要等幾多年先上到一線呢？