大肚仲要幫老公照顧前妻 被要求照顧3餐 「我小人之心度君子之腹？」

撰文：Ella | 圖片來源：劇照、IG@截圖

現任懷胎4月 老公擅自叫患癌前妻同住 被要求照顧3餐 「我小人之心度君子之腹？」

近日一名孕婦於「Couple.murmur」IG帳號上以「我大住肚仲要照顧佢前妻」為題投稿，提到自己現時懷胎4個月，老公卻擅自安排患癌前妻到家中同住，希望事主可以體諒兼幫忙照顧對方，令事主大感驚訝，因此求教於網民！

前妻患上癌症 投靠6歲女及前夫

文中提到，現年26歲的事主與年長9年的老公結婚兩年，對方曾離婚兼有個6歲囡囡，但事主早已把囡囡視為己出，一家人感情相當不錯。直到有天事主放工回家，竟看到老公的前妻穿著睡衣從囡囡房間行出來，令事主感到十分驚嚇！

事後老公向事主解釋，指前妻不幸患上癌症，加上剛做完手術，香港又無親戚，只好過來投靠囡囡，並提到打算在家中住一段時間休養。事主聞悉後表示，可能自身職業為護士的關係，比較容易心較，加上認為對方是囡囡的親生媽媽，沒資格反對，因此答應了讓前妻暫住，不忍心趕病人走。

老公擔心前妻無飯食 竟開聲叫女家媽媽照顧

事主表示，同住的時間裹，老公與患癌前妻的行為都相當檢點，老公亦有給予自己安全感。事主雖要輪班制上班，但每日放工後都會買餸煮飯煲湯給患癌前妻，令她大感諷刺；而最令事主感到失望的是，老公竟敢抱怨事主要上班，擔心無人煮飯給患癌前妻食，大膽開聲叫事主媽媽過來幫手照顧服侍她！雖然最後提案不了了之，但就令事主感到萬分驚訝兼心中留有一條刺。

事主: 「係唔係我小人之心度君子之腹？」

事主亦提到，患癌前妻在家中對她非常客氣，又曾大讚自己煮飯了得；而老公就懂得避嫌，從不會與前妻單獨相處，令事主自覺自己過份敏感。不過有次前妻在浴室不慎滑倒，大叫一聱後事主衝到門口，敲門見對方穿著浴袍訓在地上，但自己大肚不方便，只好叫老公過來幫忙。最後老公抱著前妻出來，指當時前妻的浴袍跌了一半，胸部跟下體都就快外露，畫面令事主不能忘懷。

雖然事主老公就指遲一排就會叫對方離開，不過心水清的事主就認為幾時好番仍是未知知數，擔心自己的小朋友出世後，仍要養住前妻，竟指自己因此感到相當矛盾，指「係唔係我小人之心度君子之腹？」但係同前妻一齊住我真係覺得有條刺。

網民: 要懂得為自己爭取

帖文一出隨即引起熱論，不少網民認為事主太過仁慈，要懂得拒絕：「要say no!!!自私啲講句，佢利用你既同情心」、「為自己爭取下，你吾爭取就係人地，東西如是，人如是」、「底線」、「人無恥便無敵」、「你無咁既義務」。