吳卓羲帶30萬Rolex出席煞科宴 身家豐厚財力驚人！擁40隻名錶、7架名車、3層物館

部份原文刊於：東方新地｜編輯：Ella｜圖片來源：微博@Ron吳卓羲、微博@HANA菊梓喬、IG@Vincentwong07、IG@boscomine、新傳媒圖片庫

吳卓羲財力驚人熱愛收藏名錶

吳卓羲喜愛收藏名錶其實不是秘密，在過去他就曾在節目《Tiger’s Talk》中自爆自己獨愛買錶，由其是勞力士，更是愛不釋手：「個時睇日劇見木村拓哉戴住369，呢個係每個男仔嘅夢想囉，會諗戴咗就變成木村咁！」直言自己在家起碼擁有超過40隻名錶。

他手上所戴的Rolex Daytona玫瑰金黑面手錶相當吸睛，據知現時炒價約40至50萬，有錢都未必買到！

開3層高Figure博物館

除了名錶之外，車都是吳卓羲的愛物之一。作為男人的「二奶」，吳卓羲直言自己已擁有7架車，當中不乏限量版名車，只是用作收藏，認真誇張！而最令所有男人羨慕的是，吳卓羲早於2019年在北京開了全國第一間的3層高Figure博物館，更名為「吳卓羲個人模玩博物館」，用來擺放他Marvel、超級英雄等Figure，叫人如何不驚訝！

Tag 菊梓喬 有過萬人讚好

2011年吳卓羲的微博離奇出現與35F國產女星張馨予的床照，疑似是女方私自用男方的手機登上微博出Post以宣示主權，日前吳卓羲的微博上又出現一個奇怪Post，Post中未有提及任何內容，只Tag了「星夢一姐」菊梓喬，得到超過1.2萬人讚好，同時亦引來網友紛紛猜測兩人是否想「官宣」（官方宣告）戀情，或者只是即將有合作。

網友猜測：又被女朋友搶手機

有眾多網友猜測吳卓羲可能只是喝醉了，也有網友認為他是重蹈張馨予事件覆轍，再度被身邊人拿走手機登上了微博！也有不少網友都表示若果吳卓羲和菊梓喬真的官宣戀情，會祝福二人，並紛紛留言「好熟悉的一幕」、「有你這麼官宣的嗎」、「等官宣，真的就祝福」、「又是手機被拿走了發微博」、「又被女朋友搶手機了」等等。

吳卓羲現身解畫

因為Tag名事件越傳越烈，連吳卓羲都忍不住要現身解話，他指「自己唔太識用社交平台，誤以為Tag 對方就等同加好友，冇諗過大家會咁關注。」

菊梓喬只是煙幕 真愛是黃宗澤？

近日黃宗澤於社交平台PO了幾張與吳卓羲的親密照，兩人十指緊扣又互相嘴嘴，引來網民關注，更有人留言指「你先係真命天子」、「變了一對CP」等等相當搞笑。

原來是兩人合作拍新劇《廉政狙擊》，其中一場要到外景拍攝，相信是「埋位前」兩人在鏡頭後的逗趣畫面，連好兄弟黃宗澤都指「好地地一張咁有mood嘅相，點解我哋要惡搞成咁呢？」

不過睇嚟用呢個方法宣傳新劇網民都好buy。

吳卓羲離巢後即買半億樓贈母

曾是無綫上位小生的吳卓羲（Ron），當年是非、緋聞多不勝數，非常惹火，不過自15年離巢無綫外闖，近年他愈變愈低調踏實，雖然不再是話題人物，但吳卓羲離巢五年，事業一帆風順，更生財有道，中港兩地秘揸半億物業，是圈中隱形筍盤，原來近年吳卓羲得隱世高人苗師傅教路，發展順風順水，17年跟足高人指點搬入大埔比華利山獨立屋催運，在內地工作愈來愈暢旺，狂執人仔，在港曝光率相對不多，但在新劇《飛虎之雷霆極戰》熱播人氣火速攀升，賺錢能力高，搵到錢更是出名孝順仔，八年前首置物業已經是寫媽咪名，近日又蠢蠢欲動，儲夠首期計劃再入市買樓贈母。百善孝為先，抵佢發達！

掘金能力強三年供完一層樓

出道即爆紅，當時年少氣盛的吳卓羲好玩車，戰車換個不停，曾被拍到駕駛百萬 Benz跑接載緋聞女友張馨予，不過自12年和張馨予分手，狂換戰車時期亦已成過去式，並落力儲錢買磚頭。據好友爆料：「出道冇耐就紅又搵到，後生仔邊個唔貪玩？捨得揈錢買衫、買名錶、玩模型、玩車，都係啲揮霍玩意，有段時間真係儲唔到錢，連吳媽媽都好擔心佢，一路提佢儲錢買樓！」

高人指點計劃再入市

據知吳卓羲是透過圈中好友，認識被喻為隱世高人的苗師傅，得苗師傅指點迷津，阿 Ron近年事業暢旺兼遠離是非，手上物業亦愈滾愈多。據知情者透露：「苗師傅批 Ron條命要買樓投資會令佢事業財運都相得益彰，17年Ron聽高人意見再入市，買咗一個二千幾呎物業，嗰時阿 Ron覺得層樓個價好乸脷，仲驚唔知幾時升值，又怕自己負擔唔到，好在聽從師傅意見，買完後工作接唔停手，更喺呢年高薪簽做邵氏御用演員，層樓上年亦供完！就連喺內地置業都有斬獲，所以佢好信苗師傅，只要苗師傅講一句，佢二話不說照做！」

孝順仔結婚都與母同住

風生水起的吳卓羲，聽從苗師傅的建議把脾氣收斂，不再揮霍，唯一不變是入行至今非常孝順，大部分物業都寫媽咪名，近日又已經儲夠首期準備今年再買樓贈母。據身邊人透露：「阿 Ron好錫媽咪，買樓都係想媽咪住得舒服啲，佢講過就算將來結婚，都一定要同媽咪同住，搬入大埔比華利山，雖然話係師傅教路，但其實阿 Ron一路都想搬住獨立屋，因為佢喺屋企擺咗好多巨型模型公仔，霸佔咗好多地方，佢唔想媽咪行開行埋畀啲公仔阻到，所以想搬大啲間屋，而Ron媽對住屋最大要求係要近住街市，比華利山位置較偏，所以阿Ron亦專登請司機，接載媽咪出外買餸同約街坊見面！」果然乖仔真係有運行！

吳卓羲撲水買玩具去北京開博物館

吳卓羲早幾年在北京開了首家玩具博物館，雖然相比起古天樂的玩具倉只是小巫見大巫，不過吳卓羲的博物館就公諸同好，免費開放同路人參觀，而租地 方、請人打理博物館始終都要皮費，吳卓羲為圓玩具夢，近年密密接job拍戲冇停過，撲水買玩具花費不菲。

吳卓羲表示選擇開博物館是因為他收藏嘅figure數量實在太多，而他希望每一個figure都要放在可以完全欣賞到的地方，屋企已經放唔落，再加上屋企養了幾隻貓，主子好易整爛figure。所以吳卓羲就把自己多年的珍藏運上北京，放在該博物館展示，博物館一共有三層，一層和三層是模玩手辦陳列區，二樓是辦公室，看到吳卓羲博物館的陳列品豐富程度，估計這些年吳卓羲的血汗錢都花在玩具上。

吳卓羲舊愛35F張馨予 三年前閃嫁特工

吳卓羲2011年被爆出同35F國產女星張馨予拍拖，男方的微博離奇出現張馨予的床照，有傳係張馨予要喺男友微博宣示主權而私自出PO，兩人拍拖期間張馨予更嚴管吳卓羲，不但要男友報告行蹤，仲要佢交出MSN和facebook等密碼，卒之兩人火速玩完！2018年，張馨予在微博公布已為人妻的喜訊，老公係是內地反恐特工何捷。