陳自瑤王浩信結婚10年屢傳婚變 疑8字暗示甜蜜如初 拖手海邊漫步曝光！

原文刊於：東方新地 ｜圖：東方新地照片庫

陳自瑤：你快樂所以我快樂

早前王浩信出po放帶9歲女兒靖喬（QQ）去主題樂園玩的照片，相中只有父女二人，又被網民質疑和陳自瑤已分，婚變一事再度傳得鬧哄哄。

陳自瑤在王浩信貼樂園相逾十日後，貼出和女兒QQ同遊主題樂園照片，並留言「Halloween staycation with My little Angel」並#happyhalloween#staycation#你快樂所以我快樂﹗陳自瑤分別貼出自己及囡囡單人照，並分享在主題樂園酒店 Staycation的早餐照片，單看份量相信至少三人分量，似要打破婚變傳聞﹗

陳自瑤貼三人早餐證王浩信同行

陳自瑤貼出在主題酒店Staycation享用早餐照，餐桌放滿食物，有三碟生果兩杯果汁以及一份兒童餐，並有蛋奄列，三人分量的早餐﹗一家三口邊歎住早餐邊望住外面優美景色，陳自瑤要影低開心時刻分享，相信呢次Staycation加遊主題樂園，YoYo都玩得好開心﹗

陳自瑤王浩信結婚10年甜蜜沙灘漫步曝光！

陳自瑤同老公2011年奉子成婚後，曾經被老公視如女王般寵愛，當年王浩信特登安排飛峇里島過二人世界火辣度蜜月，蜜月之旅重點入住7千元一晚的Banyan Tree臨崖海景別墅，房內有齊king size大床、按摩池、私人泳池，浴室更是無遮無掩，春光無限，伴以壯觀印度洋海景，難怪蜜月之旅多日來足不出戶享受。

陳自瑤孖王浩信峇里度蜜月 禁室培欲

5日4夜行程中，兩人除入住當晚曾外出晚飯，其餘時間全程留在房間，望海培慾重溫蜜月期。至旅程最後一日，兩人才捨得離開酒店，行沙灘拍拍照，感受一下峇里風情。

陳自瑤上圍升cup

於峇里期間所見，一向身材不算有睇頭的陳自瑤，穿上低胸吊帶裙，上圍明顯出現谷奶反應脹爆包唔冚，同時間腰肢變粗，腹部明顯變得渾圓。幸而似乎沒有任何「孕吐」現象，精神好，胃口更好，而且紅光滿面，別有懷孕期的女性嫵媚，難怪兩夫婦拍拖多時，蜜月之旅仍糖黐豆，全程對極唔厭！據知情人爆料：「臨結婚前爆出Cammi單嘢令YoYo好唔開心，Vincent唔想老婆懷住呢個心情陀仔，所以大住肚都照搭飛機度蜜月，希望散散心，重溫昔日熱戀甜蜜。」

王浩信：做蜜月做嘅嘢

本刊就大肚度蜜月致電剛回港的王浩信，他表示：「佢陀得幾好，冇咩大反應，又冇特別戒口，最主要食得健康，唔飲酒同唔食煎炸嘢，問題唔大。」問到連日足不出戶留守房間，在房內有何消遣，他即遊花園謂：「間房好靚，有泳池又有按摩池，咁住得梗係好好享用吓！」蜜月之旅甜蜜蜜，新婚嬌妻又美艷惹火，血氣方剛的Vincent又是否把持得住，做蜜月夫婦會做的事，他聞言相當尷尬：「嘩！嘩！嘩！呢個真係唔方便講，都係蜜月會做嘅嘢啦，自己私人度蜜月，俾番啲空間我哋啦！」收到！咁甜蜜，三年抱兩唔難！

事隔蜜月期多年 仙氣女QQ今年都8歲 遺傳父母超強基因表演慾強

兩人同樣極之保護女兒王靖喬（QQ），只曾在囡囡出世時晒個BB相後， QQ靚樣就相當神秘，不過，去年YoYo在社交網上載了一段囡囡短片，令當時8歲仙氣女QQ激罕曝光，長髮大眼皮膚白晢似足媽咪陳自瑤，被網民激讚！

王浩信女兒眼大 遺傳媽媽靚樣

年前陳自瑤激罕在社交網上載了8歲女兒QQ一段短片，長髮大眼的QQ勁可愛，完全遺傳了父母的超強基因，靚樣如倒模媽咪，皮膚白滑仙氣逼人，短短幾秒已經勁多表情，即時引起網民熱論。不過萌爆的QQ，唔知係咪貪玩攞咗媽咪手機自拍放上網，事關片段火速被刪走，呢次可能只係意外地向網民派福利。