Janice心水產品推介
呢張就係我張梳妝枱啦，
我常用既skin care 同香水collection都放曬係度，
同事見到都忍唔住「嘩」左一聲！
入面平價、中價同貴價既產品都會有，
我成日都話平唔代表係差，貴又未必最好！
當中平野都經常有佳作架。
講到試護膚品更加係需要一段時間先會見到效果，
以下我會介紹一啲我覺得好用既產品比大家。
首先同大家講下我既皮膚狀況先，
我屬於外油內乾缺水皮膚，
加上最近轉天氣皮膚都比較敏感，
面上都爆左好多暗粒，
真係令我幾煩惱。
所以揀護膚品都份外嚴格架!
而家等我由洗面產品開始講起啦。
雪花秀gentle cleansing foam
平時洗面我都鐘意用起泡產品或者洗面皂，
夏天我就常用洗面皂多啲，
不過冬天用皂就驚太乾啦。
而雪花秀呢支洗面我已經用左好耐架啦!
佢洗得好乾淨又唔會覺得好繃緊，
佢既洗泡能力都唔錯，
用埋洗面機就更加乾淨又滋潤。
而且佢大大支幾抵用，
一泵就可以洗曬成塊面，
我用左兩個月先用左半支喳。
平時爽膚水我都鐘意試下唔同牌子，
不過精華素同face cream我鐘意用同一系列，
會發揮到最好既功效架。
我最近皮膚極敏感亦都好乾，
之前覺得覺得太乾就用左好潤既cream同埋face oil，
用左幾日之後就爆瘡，
轉用gel狀既野又覺得唔夠潤，塊面又鞋，
嗰期既皮膚真係好差，
試用左兩三個品牌都唔得，
而最後試到以下呢set GLYCEL既產品就覺得唔錯！
GLYEL Hydro Firm treatment essence （左）
呢個精華素比水狀杰少少，
以水份為主，水得黎又好滋潤
好快就吸收，唔會覺得笠，
上妝時都唔會出現擦膠碎，
我咁缺水既肌膚就搽3泵就岩岩好，
可以令之後搽既cream更加吸收架。
GLYEL Hydro Firm moisturizing cream （右）
搽太潤身既cream就好驚會爆瘡，
不過呢隻cream潤得黎唔會覺得太過杰身，
搽完感覺好soft，亦都好快吸收唔會好笠。
因為我本身有做開機，皮膚都唔算太鬆馳，
所以firming效果就唔知道啦，
不過補水效果就非常好，
如果你同我一樣都係虛不受補，
一用太潤既野就爆瘡既話就可以試下呢款啦。
咁多種cream黎講我要求最高就係eye cream啦，
我試過兩星期內轉過4隻eye cream，
因為我用兩日就知岩唔岩我架啦。
本身我眼部都係重災區，眼紋都比較深，
如果個eye cream用第一日我覺得唔太OK，
通常我都會比多次機會佢用埋第二日。
如果真係唔岩我用既話眼底至眼尾都會勁爆紋。
Valmont cyto complex eye factor
之前用過Valmont既皇牌產品renewing pack都覺得好好用，
用完再化妝真係好貼 ！
今次就再試埋佢個eye cream都幾有驚喜。
點解我會覺得佢好用呢？
平時用其他牌子我都會先係眼底搽精華再上eye cream先ok，
不過呢款單搽已經好夠潤，
唔會太過杰身，好快就吸收，
我會先搽第一層等佢吸收完再搽多層就very good啦!
今次我用呢樽係第一樽，
之前我覺得效果好明顯既產品都會keep住用2﹣3樽就轉，
因為如果長期用，皮膚太習慣左樣產品效果就開始無咁見效，
而我早晚都會用番呢set護膚品。
岩岩提到最近面部爆左好多暗粒，
暗粒又擠唔到真係好苦惱，
試過搽暗瘡膏又唔得，
之後就係梳妝枱望到呢樽寶膚靈。
寶膚靈復方樟腦乳膏
呢樽實膚靈聲稱可以用於蟲咬、濕疹、
過敏性皮炎、麻疹、肌肉痛等等。
不過我平時通常都係當燙火膏用，
苦無對策之下，見佢講到咁勁所以就試下啦。
初時我都唔敢全面用，驚情況會更嚴重！
所以先試係頸部暗瘡位置，
我用完第二日啲暗粒已經平番好多，
搽多兩日情況果然好轉左好多，
見佢幾work好似信得過，
先敢再搽係面同額頭位置，
之後都無再繼續爆暗瘡。
之前我只係用舒緩既產品都唔得，
而呢支就有消炎作用，
我會搽曬face cream之後on top用兩粒黃豆份量搽係有需要位置，
不過佢薄荷味都幾重，
建議唔好搽咁近眼既位置，唔係就會覺得拿眼架啦。
識我既朋友同學生見過學校個stock room既話，
都知道入面除左化妝品同護膚品都有極多，
而stock room同屋企閒閒地都有40﹣50支洗頭水等緊我用，
其實我真係唔需要買洗頭水!
但係好多用完都覺得唔太岩我，
無可奈何之下我都要自己比錢買呀！
不過既然我拎得錢出黎買既洗頭水就當然係好野黎啦～
australian organics shampoo
我自己本身頭油比較多，
而頭油多就好易block住毛囊會出頭瘡，
又容易會甩頭髮，
之前試過其他牌子、唔同質地都試過但都唔work，
好多就算每朝洗完頭，夜晚都會覺得好笠。
第一次試呢支澳洲品牌既洗頭水係位PR朋友send比我用，
用完覺得好好用，所以我都keep住自己比錢買，
用完之後頭油出少左，
啲頭髮會輕身左，無咁笠，
亦無咁易出頭瘡，甩頭髮情況都有改善，
大約百幾蚊度，係萬寧就有得賣啦。
我平時都有set頭既習慣，
不過我自己本身啲頭髮都幾扁，
要靠啲造型產品幫幫手。
之前我就用開Wella支鹽水幾年，
不過我都嫌佢唔夠輕身，會易笠。
轉用左Loreal呢支鹽水就覺得唔錯，
質地好輕身，
噴係髮根位置再吹頭個頭會拱啲，
就算唔用粟米夾都會做到蓬鬆效果。
而set完個頭都會last得耐啲，好持久但又唔會笠，
清爽得黎頭髮又唔會變乾，
如果時間耐左個頭開始塌，
用手指係髮根摷下就會拱番架啦。
佢既價錢同wella都差唔多，
係專業髮型用品舖就有得賣啦。
以上產品我都試左起碼兩個月架啦，
試過真係覺得好用先會推介比大家。
其中好多都唔係新產品，不過都仲有得賣架。
不過都係果句啦，推介還推介，
大家皮膚未必一樣，所以感覺都有可能唔一樣，
如欲取得更多第一手美容及扮靚資訊
可瀏覽Girls Talk Main Blog：Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
