真係GUM "JENG"?!明星齊撐本地潮店小食

最近在《More》的Best Buy裡介紹了一間近期覺得最有特色的小店GUMGUMGUM，除了是一間集齊男女服飾、家品、藝術品、潮流玩意的店外，查實還有店中店GUM “JENG”！GUM “JENG”同GUMGUMGUM一樣，本著支持本地文化的心，專賣經典港式街頭小食，碗仔翅、魚蛋、燒賣等，但講到最吸引，必數和人氣食店十八座狗仔粉合作的狗仔粉和火鴨髀！！本身是食肉獸的我，一聽到有火鴨髀即刻想試，可惜當晚我大慨10pm左右才到達，由於火鴨髀是限量供應，無緣一試，但亦試了幾款小食，份量完全可以當正餐，而且是即叫即煮，真的不得不讚，認真「咁正」！就連容祖兒、梁漢文等都慕名到場一試，難得的是價位是平民價，幾十元一款小食，食兩、三款已經可以食到很full！

Joey最近親身來試小食，和我的口味一樣呢～XD

有圖有真相，火鴨髀大小剛剛好，鴨皮色夠光澤，尾部又有錫紙包著，不怕弄污雙手，夠細心！
火鴨髀$30/上髀、 $38/下髀

之前也有到佐敦的十八座食過火鴨翅兼食上癮，但地點較不就腳，這裡的火鴨翅一樣有濃厚火鴨味，又彌補了我當晚不能食火鴨髀的心情，值得再試！ $36

招牌十八座狗仔粉，口感煙韌，配上自家製的菜脯和青葱，層次豐富！$36

平時食生菜魚肉的魚肉通常偏幼身，這款屬新鮮手打，難怪更大粒又彈牙。$30

炸蝦餅大大塊，裹着原隻鮮蝦，香脆惹味。 $36

食香口的街頭小食，冰凍飲品不可缺，除了普通汽水，GUM “JENG”更引入HYAKU天然果汁，清新好飲，又可撇除飲汽水的「罪惡感」。 $38

除了GUM”JENG”的街頭小食，多搞作的GUMGUMGUM近日亦為了即將來臨的中秋節準備了與Mr. Men & Little Miss x 富臨集團限量500盒的可愛迷你奶黃月餅，( 8 月30日前訂購 $238，9月1日起 $298 )，看到包裝及可愛的Mr. Happy月餅，用作送禮給親友必定更happy！

GUM “JENG” 銅鑼灣名店坊加寧街8-10號 3486 7307