女人終身職業－－脫毛 part II
上次打完脫毛 part I（女人終身職業－－脫毛 part I）之後，已經keep住有讀者send email問我脫毛的detail，希望都解答到大家。而我之後都會keep住update我個進展，大家都要係email update你地個進展比我知啊 🙂
上回提到，我第一次脫bikini位之後，就約左時間去join埋脫full leg，於是我第二次去HK Medi AAC的時候，就一次過打兩part（方便D）。打腳的時候，因為脫full leg個範圍比較大，所以用既時間都多左，不過Mio真係好有心機逐part幫我打，而係打既過程之中，佢都係咁同我傾計，感覺上無咁痛同埋無咁尷尬（特別是脫bikini位時）佢問我時裝野，我就問佢脫毛野。相比起bikini位，腳雖然無咁敏感，但有D近骨既位置就特別痛，例如無嘜肉既ankle位，同埋膝頭位都係好有感覺，仲有小腿前面，貼住骨既地方，係毛髮最集中既位置。
脫毛呢D時候我就乘機問下Mio野，分散注意力。
（脫full leg時）
我：Mio呀，雖然講話係無痛，但其實都痛架喎，特別係少肉既位。
Mio：係呀，愈少肉真係會愈有感覺，因為始終近骨位。
我：噢，咁如果肥D咪無咁痛囉，好瘦果D人脫毛就慘啦。
Mio：丫，咁又係喎，瘦果D客真係會覺得特別痛架！
我：哈，咁肥都幾好喎…………-___-“
Mio：都係架，同埋有D客如果剃得多，剃得密既話，毛髮變粗，都會特別痛，而且脫毛既次數都會多左，所以我地都唔提議大家自己剃毛，愈剃愈粗就一定架啦，如果去脫毛既話，辛苦自己呀，而且毛孔大左都唔好睇。
（脫Bikini位時）
Mio：幫你試下高D度數，呢個咁樣O唔OK？
我：好似有D痛，細D得唔得？
Mio：OK，呢個呢？
我：丫，好D，呢個係幾多度？
Mio：上次你係8度，今次係10，因為脫過一次，毛髮經已少左一大半，感覺會無咁強烈，所以可以加到10，下次就可以加到12。我自己都係8、10、12，依家都差唔多無哂咁滯。
Mio又話，脫完毛之後絕對唔可以暴曬，因為做完激光之後，皮膚對光既吸收同反應都好大，所以遊船河呀曬太陽呀都唔使旨意去，如果迫不得已有戶外活動如行山等，就要著長褲。如果唔係，皮膚就會非常容易變黑。而當日我著左短裙，脫完之後Mio都幫我搽左防曬cream，先比我走。佢話最好早晚搽body cream，我就每日出門前如果知道要出去借衫或去event，有曬既話都搽少少防曬（真係好少的）。
我由上年開始已經脫離曬太陽行列 🙂 而我都提議大家，脫毛當日最好著長裙或長褲，一來可以防曬啦，二來…睇睇以下相片就知道，
剛剛脫完full leg時，小腿有某D位置有紅點、紅印，Mio話係正常的，大約1-2日會散，最多最多都係3-4日。而我就好似2-3散，但係剛脫完時有d印，周街走好唔靚，所以大家都係著長裙啦！
大腿可以因為毛髮少又幼，所以無嘜印。不過剛剃完毛，所以有D毛孔咁。
脫毛後10日，所有紅點紅印退哂，毛髮開始生左丁點兒出黎，不過少左好多好多，亦慢左好多好多。（右邊小腿中間的黑印是我前年去北京仆倒的疤痕 -_-）
近D睇都唔覺眼 🙂 （喂，小姐，有幾多人會「烘」到咁埋望你對脾啊？）
my email: [email protected]
香港醫學抗衰老中心 HK Medi AAC 九龍尖沙咀加連威老道60號哈佛諾基科學研究中心1F 2723 4999
