阿茂整餅－北海道牛奶麵包（湯種法）半成功版

話說我買焗爐之前，已搵到勁好的湯種面包書，係Yvonne Chan寫的「65度湯種麵包」，內容連整面包、搓面糰、發酵以及其他所有程序都寫得好詳細，連埋圖解極度易明，湯種麵包又特別軟特別林。不過，本書係幾年前出，打去三聯話全線無賣之後，我就廢時搵，上淘寶買左本台版，RMB$98。於是買左焗爐之後，試完一次全自動模式焗白麵包之後，就即刻焗左我想整好耐的北海道牛奶面包！:D

唔小心set左包面色澤係medium，於是好深色，下次set番正常就無事。
（其實如果個面太深色，可以蓋一塊錫紙係面）
我又估唔到個包個發到咁巨大，估唔到兩個本來分開既面糰，焗焗下會一拍即合，痴到實一實…

將所有材料（除牛油外）放哂入去

佢會自己瘋狂咁搓，真好～

搓完發酵完就拎佢出黎整形，我無聊地將佢繞了幾下，有D樣衰 😛

再發酵

發完查少少蛋汁

就焗了，好靚呀個面

焗完切開睇睇，wow～正！
雖然個面太深色，整體外形又唔靚，但真係好軟綿好好味，搵保鮮袋袋住放入雪櫃，要食時拎出黎整熱就食得，放幾日都keep住軟綿綿，湯種面包好野～
以下食譜轉載自：http://www.christinesrecipes.com/2010/10/hokkaido-milk-toast.html
但這個食譜也是參照Yvonne Chan寫的「65度湯種麵包」！
份量可做兩條麵包，麵包模大小 20.5cmx10.5cmx9.5cm
（唔知點解，我用以下呢個食譜一半份量已整到兩條大面包）

材料：
• 高筋粉 540克
• 細砂糖 86克
• 鹽 8克
• 奶粉 9克（原食譜用天然牛奶香料）
• 快速乾酵母 11克
• 全蛋液 86克
• 忌廉（whipping cream 動物性鮮奶油）59克
• 牛奶 54克
• 湯種 184克
• 無鹽牛油（無鹽奶油 unsalted butter）49克 (原食譜用無鹽發酵奶油)
做法：
1. 把所有材料（除牛油外）依次倒進麵包機（先放濕的材料，然後放下乾的材料）：牛奶，忌廉，蛋汁，湯種，鹽，糖，奶粉，高筋粉，最後放酵母。我習慣在麵粉中央撥開一小洞，把酵母放進去。

2. 選擇麵包機的 basic功能，材料搞拌至成一麵團，就放進已融解的牛油，繼續搞拌，至完全階段（即可擴展至薄膜）。
3. 當麵包機停機，等待麵團第一次發酵完畢，見麵團發大兩倍。就取出，放在清潔的工作台上，灑點高筋粉。
4. 用手按壓麵團，擠出空氣。切割成三等份，滾圓。用保鮮膜蓋著，室溫靜置 15分鐘。
5. 用木棍把每個小麵團從中央向外滾成橢圓形。從上向下折1/3後，壓緊。再從下往上折1/3後，壓緊。將收口朝下， 把麵團上下壓長，約30cm，翻面捲成圓柱形。收口朝下，放入麵包模中進行最後發酵。發酵至8分滿，塗上全蛋液 後。放入已預熱至180C（356F）的焗爐中，焗約30至35分鐘。取出放在鐵架上放涼，即成。