（大叫）新年快樂呀！

祝你步步高陞！
祝你龍精虎猛！
祝你青春常駐！
祝你神采飛揚！

另外，我要祝屋企人身體健康，永遠都係咁開心快樂，與我常在！

每年農曆新年必做既事，就係大擦幾十餐，由過年前勁豐富既團年飯開始，由蝦、鮑魚、元貝等等，之後再勁食年糕、蘿蔔糕、瓜子、開心果、朱古力、蛋卷、曲奇等等，食到腸胃出現不適為止，先會稍為收斂（但都未收手），再食到真係唔掂同埋完全頂唔順式者食哂所有禮盒，先會停口 😀

以前覺得新年好悶，因為細個唔知點解唔鍾意食年糕、蘿蔔糕，但又被迫要食，拜年又覺得好悶無野做。但近幾年就好鍾意過新年，因為可以見到好耐無見既親戚，見到表妹表弟一個二個大個哂，個個都高過我，個感覺好得意，又諗番起細細個同表妹爭野玩，爭野食，依家佢好乖好叻女，原來感覺真係好開心。仲有，好鬼鍾意大家一見到面好開心咁祝大家心想事成呀，身體健康呀咁樣，無論你親戚定係番公司見到同事都係好有喜慶氣氛，而今年同過去廿幾年一樣，個個都係祝我快高長大！哈哈，好開心呀！

今年我既新年同前幾年一樣，都係由收到PR送來的利是封開始，就慢慢感覺到農曆新年的來臨喇！

Loewe送來好classic的利是封，還有歷年收過最虛榮的Gucci利是封，我鍾意個盒多D！

年廿八去Noah’s Ark，食薯條魚柳包　　　　　　　　夜晚再去Simply Life食羊羊，好味！

食完媽咪造的蘿蔔糕，再幫媽咪包利是 🙂

勁豐富團年飯　　　　　　　　　　　　　　　　　Ted Baker的全盒

新年要開心，要食開心果！　　　　　　　　　　哈哈笑過新年，全年都笑哈哈！

一年一度東方新地團年飲茶，食到勁飽！　　　　　　　　初四番工逗到好多利是，多謝哂！