好app推介－Instagram

Jul 19 2011

近幾個月好沉迷Instagram，早排身邊好多朋友叫我用，我又唔明有咩好玩，只係一個upload相的平台，同朋友share生活照，check-in下咁，但，facebook都可以upload相啦，點解要玩instagram呀？

同facebook唔同就係，人人都可以隨意follow其他用家，除非對方set左private，如果唔係，基本上可以睇到人地所有相。一開初玩玩下覺得都係upload相姐，睇黎睇去都係自己朋友D相，無咩特別。
但後來發現，有好多唔同國家的人都有用instagram，可以睇到好多外國人的相片，我就最中意follow D爸爸媽媽的instagram，佢地每一日都會upload自己個B的相片，有D BB食野食到成面都係，有D就訓覺訓到反哂眼，有D就喊哂扭哂計，真係好可愛 🙂
toritohon果個男仔好靚仔呀 😛 佢個樣令我諗起以前教畫畫時，有個男孩子叫Issac，靚仔得黎怕怕羞羞，勁可愛，記得果陣時上堂我同佢講野，佢經常都may may咀笑，唔答我，但佢媽咪話我知，佢個個禮拜都話好掛住我，hehe，我的account名係yukilo～

另外我都好中意呢個日本人miy713整比佢地個小朋友的便當，唔係靚咁簡單，直頭係好似雕花咁，面包超人、青蛙、足球仔、snoopy、豬、熊貓…哇，好勁！本身我以為佢咁有心機，將塊紫菜慢慢咁剪D眼同笑笑口出黎，但後來發現logon有賣呢D專門cut紫菜的工具，仲有好多唔同形狀，不過就算有工具，都真係要落好多心機…如果今生我有幸收到一個呢D飯盒，真係唔知食好唔食好…