Keep fit妙法
今天早上我和媽媽的對話，如下：
我：（勁食、勁食、再勁食…）
媽：…
我：媽咪，我呢排係咪食好多野呀？
媽：係呀，不過冬天係咁架啦，我都係。
我：咁你有無肥到呀？
媽：應該有，可能有幾磅。
我：噢，我無喎。
媽：…
我：hehe！
話說冬天係最易令人變肥的季節，前年冬天，因為有一個月keep住日日起碼食半盒莎莉蛋糕，於是我「無啦啦」肥左十磅，體重升到最高點時，我的人生就隨之跌到最低點，從此同莎莉蛋糕絕交。呢兩年間體重慢慢回落，當中最刻意減ge時候係一磅都減唔到，但唔理磅數時就會無啦啦自己輕左，依家差不多去番最正常的體重喇，真係普天同慶，可喜可賀。曾經做過肥妹仔，自此我發誓以後都唔會再重蹈覆轍，雖然我野照食，覺照訓，唔理朱古力定係肥豬肉都照食，完全無keep fit心得，但就堅持日日磅重，如果稍微重左一磅，OK，果日食少DD。
今日同楊丞琳做訪問，雖然佢cool cool地，但樣的確上鏡，同事呀See同Mr Cho好快影完收工，然後我跟手做訪問，覺得佢幾可愛，傾傾下心裡仲覺得我同佢有D相似。Keep fit心得呢樣野，雖然好「行」，但我必問，今次收到一個我好中意ge答案，Rainie話，佢覺得食野係令自己開心ge事，如果要因為keep fit或減肥迫自己食少D，食唔飽，或者唔食自己中意ge野，佢會好唔開心，但佢又唔想肥，點算呢？佢話會限制自己一段時間食得好D，豐富D，然後一段時間就食清淡D，少D，咁樣可以平衡番之餘，亦可以比腸胃休息一下，一舉兩得。一路聽佢講，我真心地勁點頭，然後我話佢知，我都係咁！唔想唔食野，唔想食得少，我希望我有生之年都可以想食嘜就食嘜。
其餘訪問內容，睇二月More會知，講下佢同各大緋聞男友咩關係，hehe 😀
