立體眼鏡妝

好多女生平時都愛戴黑框眼鏡作飾物，提醒大家在戴上眼鏡時，
也不要忽略妝容的配搭，妝容太濃，會顯得老態；
太淡，睇起嚟又欠缺精神，今期就教大家化一個自然得來，
仲可令五官變得更具立體感的眼鏡妝吧。
Q：戴有框眼鏡時，應配合甚麼類型的妝容？
眼鏡妝的重點是以清淡自然為主，眼影色調不宜過於深色，
容易給人一種成熟老態感覺，建議最好揀米白、米黃及橙調眼影，能
加強整個眼窩位置的光亮感，效果自然之餘，睇落仲會更有精神。

先用銀白色creamy眼影打底，令之後掃上的眼影顯色度更高、更貼服。

整個眼窩位置掃上peach tone眼影，感覺自然，具光澤感，任何膚色人士都啱用。

眼頭位置的highlight，具開眼及點睛功效o架！

下眼線位置，由下眼頭開始，輕輕向眼尾方向掃上銀白眼影，漸變的深淺效果，能令眼形輪廓更具立體感。
Q：在戴上眼鏡後，好像被遮蓋了雙眼神采，怎辦？
可能是眼妝太深色吧！可以靠淺色及具光亮感的眼影，提升眼部輪廓立體感，
所以眼頭的highlight亦很重要，建議膚色白淨人士，可用銀白色，膚色偏深者，
則可選淺黃或淡橙色調，注意畫法亦要有深淺，由上眼頭開始畫，
下眼線位則先由眼頭至中間位置，再慢慢向後掃，即能做到漸變效果，
眼形更立體之餘，妝容又不會太濃。此外，建議加埋內眼線，具即時點睛功效，

胭脂及唇妝方面，可揀較sharp的顏色，令整個妝容不會太pale之餘，仲好精神，平時返工最啱。

千祈唔好漏咗內眼線，最好揀防水眼線筆，想效果自然，可用啡色，想雙眼更大、更明亮，則可用黑色。

想有大眼效果的話，可用啡色眼線筆畫一條幼幼的外眼線即可。

眼妝雖然清淡自然，但雙眼一樣精靈有神。

雙頰輕輕掃上粉紅胭脂，營造紅紛菲菲的效果。

由於眼妝偏淡，唇妝可揀較大膽的色澤，如近期韓妝勁hit的鮮粉紅色，感覺更sharp、更醒神。

眼鏡妝所需的化妝品，包括銀白及橙調眼影、啡色眼線筆、眼線液及鮮色唇彩等，緊記眼妝以清淡為主即可。