年度七人攬球賽 黑雨前完美落幕

一年一度的Rugby Seven於黑雨當晚正式落幕，雖然天氣又侷又熱，雨又下不停，但依然無損大家睇波的興致！每年都有不少外地人專程飛來香港睇Sevens，一連三日的飛可以抄到至少$3000一set，今年有新的抽票制，將一set飛拆分三日獨立抽，以減少抄賣的機會，我也有幸抽到星期六的票，但最後都放棄了。直至星期五，小情人竟然有四張免費飛，星期六及星期日都可以睇，令這個weekend過得非常精采。
七人攬球跟足球是兩碼子的運動，同一樣大的球場，足球的11個球員跟Rugby的7個球員，打Rugby要消耗的體力真的多得很。一場賽事只有14分鐘，7分鐘為半場，每次達陣得5分，把球踢過H字高欄再得2分，所以每次最多可以得7分，Rugby Sevens就是跟這個７字息息相關！香港隊也有入圍，雖然未能成功進身Final，但水準沒有被比下去，近年就連很多紀律部隊都開始增設攬球隊，證明了本地都很重視這項運動。說到心水隊伍，必選Fiji及有Kiwiland之稱的紐西蘭！但今年發現了黑馬美國及法國，兩隊都打得不錯，而現場更有大量法國球迷，不少更特別訂造同款衫及畫家帽，實行齊心為愛隊打氣！其實除了睇波外，Rugby Sevens最多人扮鬼扮馬，有Macdonald叔叔、性感俏護士、飛機師及各種卡通或電影人物等，啤酒、fast food、笑聲及互相友善的打招呼，很不香港的感覺，很爽！而每年全場最精采的位置是南看台，所有最瘋狂的球迷都擠進South Stand，而最長的排隊時間可以是5小時呢，同時裡面亦是最多醉酒人士的area！今年Final就是England VS New Zealand，Kiwi power順利令New Zealand奪冠，在頒獎禮後所有成員都赤身冒雨大跳傳統勁舞，令現場球迷興奮狂叫，他們更跳上癮，於大球場的三個角落都跳勻，全場興奮度爆曬燈！