馮盈盈出post搵真銀成吸金女王 江嘉敏使橫手狙擊
不少藝人因疫情關係收入大減，轉而紛紛開拓網上市場。近月馮盈盈便成為各品牌的新寵兒，擁有41萬Instagram 粉絲的她，據知出一個Post便收取達10萬元！而昔日好姐妹江嘉敏雖擁有33萬粉絲，但身價卻差10倍之多。被死敵馮盈盈遠遠拋離的江嘉敏出招狙擊對手，誓要同馮盈盈撼過﹗
文：東方新地 圖：馮盈盈IG、江嘉敏IG、李佳芯IG
馮盈盈出post搵真銀成吸金女王
馮盈盈搵到搬豪宅
疫情令娛樂圈成重災區之一，過去大半年藝人們靠商演、品牌活動等搵真銀的機會近乎零，藝人為另覓財路，紛紛轉型KOL，出post搵真銀，在社交網擁41萬followers的馮盈盈，向來活躍於社交網絡又敢言，儲落一大堆年輕粉絲，人氣旺唔使講，加上她挾住港姐冠軍銜頭，又畢業於香港大學食物及營養學系，深受健康食品及護膚品牌喜愛，據知馮盈盈出post價由5萬到10萬元不等。
馮盈盈威脅李佳芯
馮盈盈近日被指突然富貴，搬無敵海景豪宅，拎親都H字的包包，被質疑財來自有方，馮盈盈霸氣回應指全身都是自己賺錢買，絕對行得正企得正，而緋聞男友鄭衍峰亦為她護航，爆馮盈盈出一個post都足以買到幾個名牌袋，可知馮盈盈吸金力幾強勁，唔止出post搵真銀好和味，人氣持續高企，在網上人氣竟威脅到人氣王李佳芯，為保住財路，有傳李佳芯不惜將出post價由10萬降至6萬，希望保住自己的競爭力，不被如馮盈盈等後起之秀盡飯碗。
江嘉敏頂爛市對撼
馮盈盈成了疫市的吸金女王，而近月反目的昔日的好姊妹江嘉敏，社交網的followers有33萬，跟馮盈盈的41萬相差約8萬，不過出post價卻遠不及死敵馮盈盈，據知江嘉敏為狙擊對手，以1萬出post價，以低價求勝，且對客戶要求不多，實行以密食當三番來抗敵﹗
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
