馮盈盈掛住拍拖懶理人氣下滑？被高層照肺要求專注工作挽人氣

Q: 有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單， 必睇Netflix電影或劇集片單 ；Disney+方面，則可以一看 電影片單推介 。

Q: 有什麼必睇劇集？

不少美劇都被稱為神劇，小編整合了一系列必看 美劇推介 。當然，不少得 韓劇 、 陸劇 、 台劇 及 BL劇 推薦。

Oct 28 2020

馮盈盈自出道後備受無綫力捧，出道不久已在台慶頒獎禮奪「飛躍進步女藝員」獎，星途一片光明，私底下更有個十優醫生男友，何謂事業愛情兩得意。不過自去年底宣布與拍拖四年的醫生男友分手後，隨即被踢爆暗撻大隻奀星主播鄭衍峰，在節目中高調放閃，致人氣不升反跌，加上被指黐富二代而與江嘉敏反面，負評不斷。近期馮盈盈被網民狠批演技大退步，演技備受爭議，在形象人氣雙線下滑之下，日前無綫高層急召馮盈盈照肺，希望她專注工作，挽救人氣！

原文刊登於：東方新地｜圖片來源：東方新地、Instagram@crystalfyy

馮盈盈陪大隻仔夜跑死口唔認拍拖

現年26歲的16年港姐冠軍馮盈盈，出道即被無綫力捧，原本事業一片光明，不過今年四月馮盈盈被爆早於去年撻著大隻主播鄭衍峰（Leonard），更有指她瞞著醫生男友在加拿大劈腿而導致分手，負面新聞一大籮，不過馮盈盈未有避忌，為愛更完全豁出去，同大隻仔愈愛愈高調，攞正牌在《後生仔傾吓偈》節目高調放閃，可惜戀情唔討好，人氣不升反跌。據知情者透露：「雖然以前Fyy 都成日將寶寶（前醫生男友Martin）掛喺嘴邊，但觀眾覺得佢夠率性，反而好鍾意佢，唔似依家死口唔認拍拖但又成日同大隻仔喺節目耍花槍，冇晒自己Character ，本身大隻仔外形唔討好，知名度又低，觀眾緣欠奉，搞到Fyy連人氣都拖低晒！」

自從被爆撻著大隻仔鄭衍峰，戀愛大過天的馮盈盈連事業心都冇埋，每日開工心急想快些收工，寧願趕返屋企會情郎，搞到畀高層照肺，叫她低調戀情專心工作。

由馮盈盈引薦加入《後生仔傾吓偈》節目的鄭衍峰，有女友射住近期幾乎成為節目台柱，更攞正牌在節目冧女神。

雖然未有親口承認戀情，不過馮盈盈同鄭衍峰就經常人前高調晒愛，戀情一早浮上面，日前馮盈盈應活動邀請同徐濠縈、何雁詩、鄭俊弘等去行山，亦不避嫌帶埋鄭衍峰實行買一送一。

日前一集《後生仔傾吓偈》，馮盈盈同鄭衍峰繼續高調晒恩愛，被網民問及眾主持「有邊個有另一半？」時，馮盈盈、鄭衍峰更一齊舉手，完全一副想公開戀情姿態！

被網民追問除了是好朋友及好拍檔之外，還有甚麼關係，馮盈盈更冧爆話同鄭衍峰是前輩、後輩關係，又話兩人同年加入無綫，畀其他主持笑佢哋有緣，馮盈盈照單全收！

開工掛住玩電話網民狠批演技大倒退

早前熱播的《反黑路人甲》，馮盈盈被網民狠批演技大倒退，近日趕拍《智能愛（AI）人》的她，經常掛住玩電話。同無綫尚有多年合約的她，日前便被高層急召照肺。據知情者透露：「無綫咁辛苦捧Fyy上位，當然唔想睇住佢衰，講到尾，都係希望佢專心工作，希望佢識得權衡輕重，重新出發啦！」不過馮盈盈能否開竅，真係睇佢造化嘞！