37歲印度裔演員陳振華太太踢爆N宗罪 拋妻棄女、偷食一樓一、家暴女兒扮慈父
37歲印度裔香港人是TVB綠葉演員，經喬寶寶介紹下入行，曾在TVB熱門劇集《金宵大廈》中，飾演南亞裔警員「Raj Sir」，亦有參與ViuTV真人騷等節目。但最近陳振華太太踢爆N宗罪在社交平台上寫下千字文怒斥老公不但失蹤，更多次偷食一樓一、家暴女兒扮慈父等等讓她忍無可忍，只願快點離婚解決眼前困擾。
撰文：Sylvia Liu｜資料來源：新Mondy
陳振華5年前因喬寶寶介紹入行
陳振華（Ricky）是香港土生土長印度裔人士。早在5年前，陳振華與同母異父的哥哥陳彼得透過同鄉喬寶寶介紹而入行，陳振華曾參與如《愛·回家之開心速遞》（飾吳旺達領事館職員）、《福爾摩師奶》（飾「大頭綠衣」）等多套TVB多套熱門劇集，而最為人所熟悉莫過於在《金宵大廈》中，飾演南亞裔警員「Raj Sir」，除TVB劇集外，他還有參與ViuTV真人騷《兩面不是人》及《對不起 標籤你 II》等節目；電影方面則有參演《賭城風雲III》、《衝鋒車》、《掃毒》等。
曾參在《金宵大廈》中，飾演南亞裔警員「Raj Sir」
陳振華太太Alison狂數賤男4大惡行
陳振華太太踢爆N宗罪1. 屋企所有錢全部袋走 走去偷食「北姑」
陳振華（Ricky）在入行前已與Alison結婚，並育有一女，常在外間接受訪問時，均表示為擔起成頭家，演藝事業只會是作副業，正職為抄散做搬運工人及髮型師，在工餘時間更會為癌症患者義剪，形象健康又正面。之不過，陳振華的太太Alison卻大爆這一切都是言詞堆砌出來的假象。Alison在個人社交網上以千字文來怒斥，老公陳振華自偷食「北姑」後就拋妻棄女，幾乎將所有錢，包括女兒利是錢、政府資助津貼、朋友幫忙接濟的錢等全部袋走，失蹤後更將妻女的公屋資格取消，令妻女流離失所。
陳振華（Ricky）與Alison
Alison還爆出就算銀包只剩下10元，陳振華都不會放過，甚至對外宣稱「老婆成日攞佢錢」，但事實上，陳振華多年來只是在分開前數月曾給予約2萬元的生活費，其他金錢、利是、資助等一律袋走，以使Alison與女兒曾試過無錢開飯，要靠向開餐廳的朋友求助：「你有冇人性嫁！你d咁嘅人渣睇吓你幾時生花柳～（係，你完全失蹤前嘅3-4個月係好奇跡咁曾經比過一次5000、一次4000、一次一萬嘅，仲有一千嘅）但全部都唔夠幫你冚數囉！我同個女食都冇得食！學費你唔交累到個女冇書讀要退學！都係靠開餐廳嘅朋友比碗飯我同個女。」
陳振華太太踢爆N宗罪2. 工作態度差推Job扮國際大星
Alison在千字文中有指出老公陳振華以為自己是大明星時常推Job，有次帶囡囡與容祖兒（Joey）一齊拍廣告，但因為拍攝時間長而大發脾氣：「人哋Joey拍咁長時間都未發脾氣，你喺片場發晒爛渣同我講話要X人，又叫人拍你先！話人阻住你返大陸拍嘢！態度又差！唔知真係以為你係國際巨星，連Joey都差啲要行埋一邊讓你拍先！」
陳振華太太踢爆N宗罪3. 出手打女兒 打到流血
在千字文中，Alison也有提到陳振華不但沒有買過玩具給女兒，甚至在餐廳內出手打女，令女兒流血：「出世咁耐你一件玩具都冇買過畀個女啦！淨係送過一包糖咋！個女記到而家呀！嗰隻糖你個女以前唔食㗎！因為你佢鍾意咗呢隻糖，話你買過畀佢！成日都叫我買！因為佢好開心係你送畀佢」；「係你自己對個女衰令個女討厭你！係邊個掉低個女一個人喺餐廳走咗去，最後要餐廳嘅人打嚟搵我我先知道？！係邊個打到個女流血？！係邊個成日打個女個頭話個女賤？！係邊個一巴巴打落個女度！係邊個成日講粗口鬧個女嚟威脅我？！」
Alison怒斥陳振華打女：「係邊個打到個女流血？！係邊個成日打個女個頭話個女賤？！係邊個一巴巴打落個女度！」
陳振華太太踢爆N宗罪4. 外出登台撩女
Alison在最後表示早知陳振華出軌，並籲對方盡快回香港辦離婚手續：「你登台係女都撩又身體接觸，咁我都唔係盲㗎！一個瞓係自己隔離嘅人180度變我唔會乜都唔知吓話！」，「本來冇得罪你，只係因為你自己有北姑而分開；收嘴唔好再抹黑我同個女！同埋麻煩盡快回港辦理離婚手續！」Alison自己與陳振華早已分開且沒有聯絡，又叫被陳振華借錢走數的人報警求助。
