羅霖《媽媽唔易造》中自曝40歲當高齡產婦修身慢！公開3招凍齡修身秘訣

撰文：Cyan｜圖片來源：《媽媽唔易造》節目截圖、《東方新地》、Instagram

羅霖節目《媽媽唔易造》中表示當高齡產婦修身慢

羅霖第一個兒子在她30歲時出世，最小的兒子是在40歲時生的，她表示30歲跟40歲生完小朋友後復原程度相差很遠。30歲生完第一胎後只需1個月就可以「回復原形」，而40歲則要用上2個半月的時間。

吳文忻生第一胎是39歲，第二胎是42歲，她則表示自己兩年半都未能夠「回復原形」。而陳逸寧剛在33歲時生孩子。不過3位嘉賓媽媽都同樣認為，可以選擇的話還是想早點生小朋友。

最近積極Keep Fit的羅霖預備要出凍齡保養天書，跟大家分享練成「美魔女」的秘訣。年過半百，又是三子之母，偏偏羅霖胸是胸、腰是腰，比例勻稱，而且應大則大，盡顯女性曲線美，，直教青春少艾汗顏，早前接受《東方新地》訪問時說到保養方法，羅霖琅琅上口，媲美坊間自居的美容纖體專家。

羅霖3招凍齡修身秘訣

1.少食多餐 一日食五餐keep fit

「少食多餐，一日可能食五餐，主要食蔬菜、魚、雞，我由細到大都唔鍾意食牛同羊，但無辦法我個名叫Candy，甜品戒唔到，飯又戒唔到，晚晚一定要食飯。」

2.平日做瑜伽伸展運動

「我有少少懶，通常做運動係拍電影，或者好似之前影寫真，就會的起心肝做，平時多數喺屋企伸展吓，做五至十分鐘伸展運動。做瑜伽都可以，身形會靚，但就唔會做gym，因為肩膊會橫，好容易畀人感覺肥，骨架細會靚啲。」

3.做機和推脂

羅霖透露自己會做機、每個月推一至兩次脂，keep住身形！

離婚後獨力照顧三個兒子

羅霖六年多前與前夫劉坤銘離婚，原本養尊處優的富太太，為了生計及三個兒子，復出幕前，出寫真、拍情慾片、做生意、中港兩邊跑出席活動搵銀。在接受《東方新地》的訪問中羅霖說得最多的一句話是「我想照顧好我三個仔先！」跟她交流心水食肆，她會興奮說：「二仔放假返香港可以同佢去試。」空閒時會與三子在家玩Mario Kart，會趁教幼子做功課把握時間敷面膜⋯⋯跟前夫有著共同撫養權，但三名兒子卻選擇跟隨母親生活，別人的家事旁人無從得知，但羅霖對兒子的母愛，卻是絕對感受得到。

離婚後無感情生活

既保養得宜，追求者自然也不少，傳聞裙下之臣涵蓋老中青，傳得最火熱要算跟年輕廿載的內地富二代J君「母子戀」，微博上有感而發傷春悲秋也會被聯想成感情有變，不過羅霖卻否認：「一直以嚟都係朋友，出街食飯就有，正式去嘗試(拍拖)真係無。」原來外間一直高估了她對忘年戀的接受程度，「雖然人唔係為其他人生活，但(年齡)細太多社會輿論都會有好大壓力，相差幾年OK嘅，十幾年我未必會接受。」

曾代理紅酒生意並親身上陣拍廣告，被年輕內地追求者J君追到法國，自薦做男模合拍婚紗照，羅霖說：「我未影過婚紗相，難得公司畀錢我去到古堡咪影。」

羅霖更強調自離婚後一直單身，「啱啱離婚嗰時，都有啲朋友追嘅，後尾見我咁勤力投入工作，無時間同佢哋去街，就愈嚟愈少嘞。兩年前做嘢太辛苦，都諗過有個膊頭挨吓、倚靠吓，但我已經好大壓力，如果再投入一段感情，感情一定有開心同唔開心，我唔想因為拗撬再加重我壓力，所以我決定暫時唔投入住，到啲仔畢晒業，如果都仲有人等我，咁搵番個伴囉！如果無就算，孤獨一生囉！」

「朋友」冷言冷語

離婚、出寫真、重返幕前，羅霖說外間觀感有好也有壞：「難聽嘅說話反而來自我以前嗰啲所謂嘅朋友，你都知所謂上流社會好現實，見到面都唔打招呼，或者冷言冷語，我會覺得係好事，畀我知邊啲係真正朋友。反而我出到街好多女士會走埋嚟同我講：『加油、我支持你！』我好感動。」

女人當自強

羅霖又寄語女性：「結咗婚唔係一世就係咁，有好多突發性嘅嘢係預料唔到，我覺得如果可以兼顧到，都做吓嘢，一嚟增值自己，二嚟唔使咁無安全感，當自己賺到錢，就真係有安全感嘞。」