萌爆迎豬年！ETUDE HOUSE X 迪士尼小豬限量美妝系列韓國同步登場

Jan 16 2019

好快又到豬年啦！當然要買番啲豬豬造型嘅美妝品過番個好年。今年就有ETUDE HOUSE X 迪士尼小豬限量美妝系列新登場，仲係與韓國同步推出！小編開箱試過，真心認為除咗色靚之餘，款款包裝都超萌，睇得又用得，你話今年豬年點可以錯過呢？

Text︰YY

（Presented By ETUDE HOUSE）

ETUDE HOUSE推出超萌迪士尼小豬限量美妝系列

ETUDE HOUSE X 迪士尼小豬限量美妝系列有唇釉、眼影、胭脂、人氣底霜、氣墊Cushion盒、美妝工具，以及皇牌保濕護膚套裝等，設計以超得意嘅小豬為主，款款產品配合唔同小豬表情，單睇包裝已經可愛到暈！小編就揀咗唇釉、眼影及胭脂逐樣試畀大家睇吓先！

美妝迷嘅小編最鍾意就係唇釉，貪佢夠亮澤。呢個系列嘅唇釉一樣無令小編失望，2色選擇，色調自然，搽上嘴好夠潤澤感，無論返工或去街都咁啱！

眼影亦同樣出色！質地好細緻，輕輕一掃已非常顯色，色調分為Café及Jewel妝效，前者自然啞緻，後者則閃亮迷人，勁靚！適合營造唔同造型，因應場合自由配搭。除咗小豬外，仲有埋佢班朋友齊齊化身為單色眼影出現，好Cute呀！鍾意迪士尼卡通嘅粉絲絶對要成套包起！

第一眼已經畀小豬大頭造型吸引，可愛到不行，根本唔捨得用呀！試上手，4種色調締造出柔和得嚟又白裡透紅效果，令妝容更亮麗好氣色，慕斯質地搽落塊面度仲一啲都唔乾，比粉狀胭脂貼面好多呀！

試完唇釉、眼影同胭脂，一於睇埋同系列嘅人氣底霜、氣墊Cushion盒、美妝工具，以及皇牌保濕護膚套裝，包裝一樣好靚好Cute！

嘩！色靚、包裝萌爆、價錢親民，仲加埋而家到ETUDE HOUSE門市購買迪士尼小豬限量美妝系列滿HK$200，可以拎到限量小豬化妝袋！同時出示任何小豬/跳跳虎/瑞比/Eeyore嘅物品，就可以免費獲得保濕卸妝水旅行裝25ml一支，呢幾個理由已足夠叫你帶晒佢哋返屋企啦！

係咪好吸引呢？記得睇埋條片就去買啦！

https://youtu.be/JLGtlQRRoTc

Tag