婚禮司儀 蝦碌事件 簡直是新人惡夢！
近年的新人對於婚禮的要求愈來愈高，上一代結婚都只是找比較好口才的朋友當婚禮司儀，以幫忙帶動氣氛及安排來賓拍照。相反新一代的婚禮卻有婚禮專業團隊包括：攝影師、婚禮統籌、更會出動「專業司儀」，甚至在電視上老是常出現的「星級婚禮司儀」都會用到。的確婚禮始終是講「意頭」的重要場合，司儀在當中擔當了很重要的角色，如果個司儀說錯說話，對一對新人來說真是惡夢！一於看看以下網民分享的婚禮司儀蝦碌事件！
撰文：venus.y ｜圖片：instagram 、新傳媒資料室 ｜ 資料來源：Sunday Kiss
婚禮司儀 蝦碌事件薄
「婚禮司儀」在婚宴中擔當很重要的角色，除了帶動現場氣氛外，某程度上更是幫助新人招待賓客的主人家之一。最近就有網民在討論區發起「一人一個婚禮司儀黐咗線嘅一刻」把在婚禮上遇過最尷尬的情況羅列出來，有些都真是很大吉利是呢！
1. 踩場篇
「司儀係一男一女外面請冇人識，無啦啦去到中間，男司儀話個女司儀今日生日，要全世界陪佢唱生日歌 + 畀驚喜個女司儀！」
「司儀講講吓嘢講到喊晒，然後話原來個新娘係佢鍾意咗好多年嘅女神，然後無啦啦大叫咩『哈利路亞 CHANCE』！」
2. 冷笑話
「MC:『我叫 Martin 佢叫 Candy，所以我哋係MC！』」
「新人同家人親戚朋友影相，影影吓，個MC嗌：『而家有請MC上台影相！』，然後自己衝上台」
3. 玩四大長老
「個司儀玩到無嘢好玩，無啦啦叫我老豆咀我老婆個老母，下面班XX仲大大聲叫咀佢！咀佢！搞到我外父同我老母黑曬面 !!!」
4.開口夾着脷
「切蛋糕既時候，MC:『我地祝對新人由頭切到尾』，婚宴完嘅時候，MC:『我哋下次再見』」
5.開黃腔
MC:「新郎都無得食新娘隻豬，大家就有得食乳豬」
MC:「新郎依家可以揭起新娘嘅婚紗」
6. 婚禮變喪禮
「親戚係茶樓擺左十零圍，有個駐場大嬸司儀：『雖然今晚圍數唔多，但我地都用最熱烈既掌聲歡迎一對新人』」
「試過去飲，新郎新娘多謝完四大長老之後，MC話: 『多謝完就要有啲表示啦，我地而家請新郎新娘向父母三鞠躬致謝』，新郎新娘又真係照做，四大長老塊面黑到！」
7. 大吉利是
MC:「我哋一齊睇番一對新人生前嘅片段」
「試過個 MC 叫: 『有請女家外母慈雲閣嘅鄰居』，外母住慈雲山啲屋村，但係慈雲閣係放骨灰果啲寺」
8.氣氛尷尬的冷笑話
MC:「恭喜一對新人走上呢條不歸路………er……..幸福之路!!」
