撰文：Carmen｜編輯：Christie Lau | 圖片來源：《名医が認めた！病気や体の不調を予防改善してくれる最強の食べ物SP》 (原文刊自GoTrip)

牛油果健康食譜 10日改善肩頸僵硬！

日本近6成人受肩頸僵硬困擾

肩頸僵硬不單是中年、老年人士常見的毛病，長時間保持同一個動作打電腦的一眾辦公室打工仔都容易患上！肩膊一帶肌肉稱為「僧帽筋」，是支撐頭部、頸的肌肉。

因為要支撐頭部，兩邊「僧帽筋」合共要負重10kg，是日常用「最狠」的身體肌肉。而肩頸僵硬的原因是疲勞積聚，令「僧帽筋」的血流停滯，血液循環不好，就會令肌肉僵硬。

節目分別邀請了3組不同年齡層的男女做實驗，以專門測量肌肉硬度嘅儀器，量度測試對象在食用牛油果前後，肌肉硬度數值變化。10～29為「安心區」、30～39為「提高警覺區」、40或以上就係「硬到爆區」。

上層顯示為食用牛油果前的數值，近乎所有數值都處於「硬到爆區」！但只是食用了牛油果10日，全員的肩頸肌肉硬度就回落到「提高警覺區」，甚至回落到「安心區」！

在未食牛油果前，數值最高的福田小姐右肩已經硬得舉不了手！

但只是跟食譜食了10日，就能輕鬆舉起右手！連節目的現場嘉賓都驚喜不已！

牛油果營養價值

牛油果含有豐富維他命B1、B2、維他命E，有令肌肉疲勞回的效果。

另外，牛油果中亦含有油酸，對於預防動脈硬化、生活習慣病痛非常有效。

10日見效是否要食好多？醫生解釋，其實一日食半個已經好足夠！

牛油果健康食譜

1. 燒紫菜涼拌牛油果

日本管理營養師・渥美真由美指出，燒紫菜中含有豐富維他命B1、B2，有令肌肉疲勞回復嘅效果，配合牛油果一齊食，能夠發揮到更好功效！

所需材料：大牛油果1個（去皮、去核，淨重200g）、支裝日式芥末（半茶匙）、醋（1茶匙）、豉油（2茶匙）、欖橄油（1湯匙）、燒紫菜（半片）。

做法：先將牛油果切粒備用，再將所有調味料放到碗中拌勻，然後將牛油果粒倒入調味汁，最後將紫菜撕碎放埋入碗，一次過將整體拌勻就完成了！

2. 照燒汁煮牛油果豬肉卷

豬肉同樣擁有疲勞回復效果，而且喺咁多肉類當中，豬肉係含有最多維他命B1、B2。

所需材料：牛油果（1個）、豬肉片（10片）、鹽+胡椒粉（各少許）、橄欖油（1湯匙）、豉油（1湯匙）、味醂（2湯匙）、檸檬油（1茶匙）。

做法：牛油果去皮、去核後，縱向切至5等片，然後用豬肉捲住牛油果片，用鹽＆胡椒粉調味。將橄欖油加到鑊中，調至中火烹煮牛油果豬肉卷。兩邊都煎至轉色後，就加入豉油、味醂、檸檬汁打芡，煮稠芡汁就完成。