翻叮 無好下腸?
平時番娘家吃飯, 老爸總會煮很多餸菜, 吃不完就放入飯盒明天再吃. 老爸見我帶飯, 又再煮多些, 於是飯盒越來越豐富之餘, 仍然有飯菜剩下. 每次他都帶點矛盾地說: “其實蔬菜不應隔夜翻熱, 否則會有致癌物質”. 我嘗試解釋, 翻叮的食物固然會有營養流失, 但不至於會致癌吧? 而且總比吃街外的快餐店ABC餐有益吧. 但老父總認為隔夜菜吃多了會患癌.
翻查資料, 網上流傳吃隔夜菜會致癌, 是因為蔬菜, 特別是菠菜, 含有硝酸鹽 Nitrates, 硝酸鹽本身對身體無礙, 但隔夜菜易生細菌, 細菌有機會將硝酸鹽轉做亞硝酸鹽Nitrites, 然後轉做亞硝胺nitrosamines, 而亞硝胺就是致癌物質.
雖然聽落好像很可怕, 但其實就算是翻熱了的蔬菜, 都只有少量會轉化為亞硝胺, 反而很多日常食品和飲料, 包括加工的肉如腸仔, 煙肉, 火腿等, 甚至我們平時飲用的水, 都有機會含有亞硝酸鹽, 所以與其避開不吃蔬菜, 不如減少進食其他加工肉類.
不過, 縱使翻叮蔬菜不會致癌, 但營養價值一定大打折扣. 維他命, 特別是水溶性維他命如維他命B 和C, 最不耐熱, 幾乎一煮就會流失. 所以就算中午帶飯吃, 都要額外加多一至兩份生果, 以補充維他命的營養.
