擇日結婚

*****************************************************

A小姐：師傅，我就結婚啦，係唔係應該睇下本通勝，邊日寫吉日就用嗰日？我有冇話埋畀你聽阿媽講話用「成日」、「建日」、「收日」正喎！

Master Choi：阿媽有冇話埋“律師樓“個電話畀你聽？

A小姐：我哋諗住喺「紅棉路」註冊就OK啦。唔使用律師啦。

Master Choi：A小姐傻得好可愛。佢一定冇睇過TVB嗰套「深宮計」。

Master Choi：我話係「之後用」！《笑》。不過傻人有傻福！

*********************************************************

大家都知道，過「大禮」嗰陣時，要有三牲「雞」、「豬肉」、「魚」，但大家知唔知「過大禮」之前，要有「三師」？！

就是「律師」、「會計師」、「玄學師」！

1）「律師」可以幫你註冊，唔使「趕餐懵』。

2）「會計師」可以幫你計下條數會唔會超支，同埋計下你老公有幾多身家！笑～

3）「玄學師」梗係幫你擇個好日子啦，等你兩公婆，婚姻愉快，白髮齊眉。

咁真係好多人以為有本通勝，就好似一卡傍身，世界通行。所以而家先有啲律師賣廣告：「離婚$999』

講到擇日，都有好多款式嘅擇日方法。好似去買衫一樣，可以買$99 casual wear，亦可以買法國工坊的Fashion Couture。套用在擇日的級數，前者便是用通勝擇日，後者便是用古三式的其中一式《太乙、六壬、奇門》擇日。

以下擇吉日的級數，由（1）普通至到（6）高級做法。

1. 有十二建除《最普遍》。咁一定要配合雙方八字用嘅。
2. 高一級，可以用「廿八星宿」。
3. 再高一級，就配合「鳥兔太陽九星值日法」。《係用天體恆星做〉
4. 再高級啲，可以配自己嘅命盤：「紫微斗數」，「鐵板神數」等等。
5. 再高級啲：六壬、奇門《咁呢套方法係以前喺皇宮裡面，皇族先用》。
6. 最高級就係：太乙神數《咁呢套方法係以前皇帝做事先用》。

咁可能你有留意到我講「註冊」個兩個字，可能你有疑問：乜唔係拜「祖先」、拜「天地」最緊要？係，係重要。但以前古代冇婚姻註冊嗎。所以簽乜嘢都好，一定要搵個「吉時」去簽！

咁除咗「擇吉日」係好重要之外，咁最重要當然係兩夫妻點樣去維繫一段關係。幾有緣份都好，大家唔尊重大家，乜都唔得啦。男士要有gentleman風度，結婚後亦唔應該「沙沙滾」。女士就唔好日日問個老公呢樣嗰樣，好似審犯咁。

記住大家一定要互相尊重，呢個先係最重要！