51歲蒙嘉慧復出拍旅遊節目 分享與Dee姐相識經歷
藝人鄭伊健與蒙嘉慧這對夫妻近年選擇在日本定居，51歲的蒙嘉慧也逐漸淡出演藝圈，近年來很少在公開場合亮相。然而，觀眾們即將迎來驚喜！近日蒙嘉慧低調復出，為ViuTV拍攝旅遊節目《呢度住吓 嗰度住吓》。節目早前首播，近年於香港、福岡兩地「來回住吓」的蒙嘉慧，這次帶著吳保錡（保錡）及新朋友陳海寧（Isabella）到福岡探索，二人會跟著蒙嘉慧的腳印，感受Yoyo視覺下福岡最宜居、最自在的生活模式，體驗令人夢寐以求「呢度住吓、嗰度住吓」的逍遙境界。
蒙嘉慧透露久居日本原因
蒙嘉慧早前曾於ViuTV節目巡禮現身為新節目宣傳，照片中，見她精神飽滿，狀態極佳，外表亦保留了少許幸福肥，她在台上透露去日本居住原因：「其實作為藝人成日都想keep住學多啲嘢，係好事嚟嘅，所以我一直都好想學日文，咁啱嗰陣時就講開不如學日文，就最好喺嗰度住，咁就會學得好啲，亦都因為疫情，讀書兼旅行，咁我就過咗去」。
蒙嘉慧復出拍旅遊節目 自爆唯一條件
蒙嘉慧在近年減少了她的拍攝工作量，一直少有在公開活動出現。不過原來她在今年4月祕密拍攝了一個旅遊節目《呢度住吓 嗰度住吓》。該日本旅遊特輯實際上已於4月開拍，拍攝歷時超過三星期。節目主要探討在日本福岡的居住體驗。蒙嘉慧日前接受傳媒訪問時透露，這次復出並沒有特別要求，但就唯一向ViuTV要求要同陳海寧（Dee姐）合作。
Dee姐深得蒙嘉慧歡心
蒙嘉慧指一直很喜歡Dee姐，大讚對方得意又可愛。在接受訪問時更笑指與Dee姐相處後，整個人都感覺更加後生，並很感謝一班後生願意接受自己。
笑談與Dee姐相識經過 大讚對方「得意」
蒙嘉慧在節目中亦談起自己與Isabella的相識經歷：「Dee姐（Isabella）我係經我老公（鄭伊健）識嘅，我記得第一印象佢係一個好得意嘅女仔，同埋好為食，我已經唔係食得少嘢，但我係輸比佢嘅！」Isabella分享跟蒙嘉慧結緣的經過：「有兩次去日本玩，Yoyo帶我周圍食嘢同遊覽，佢完全超乎我想像咁鐘意食嘢，佢比好多意見我，我Feel到佢係個好識為自己安排，同埋好tough嘅女仔。」保錡笑問Isabella：「咁食完之後有咩搲到啊? 淨係搲到嘢食? 做娛樂圈最緊要搲到機會啊！」 Isabella感慨：「唔係架，我覺得機會依啲嘢，有就有，無就無架啦。」
原來Dee姐早在2022年《深宵閃避球》中同過鄭伊健合作。當時Dee姐飾演8位問題少女之一，而鄭伊健就飾演閃避球教練。蒙嘉慧曾表示當時一見到Dee姐就好喜歡對方。
現況悠閒狀態極佳「幸福肥」
而現時蒙嘉慧生活悠閒，除了打理生意之外，亦有學日文、學劍道，早前更解鎖新技能，分享在戶外斬柴的影片，曾被老公揶揄太肥的蒙嘉慧笑言：「呢個都解鎖埋……真係冇乜可能會瘦得番。」
在首集節目中，蒙嘉慧分享現在少打羽毛球，但喜愛學劍道，她帶領Isabella和保錡學劍道，與當地師生交流切磋，場面有趣。
