朱千雪陀B五個月封口避談BB性別 大讚貼心老公照顧周到

朱千雪為1原因唔公開BB性別

朱千雪今晚接受傳媒訪問時被問到BB的性別，不過朱千雪就非常口密，未有透漏BB的性別，她解釋指：「遲啲就會講啦，因為爸爸媽媽仲係加拿大，所以我等埋佢哋返嚟先一次過話畀大家知。」朱千雪表示雖然懷孕初期稍有不適，但現階段都尚算精神，並且會等媽媽從加拿大回港後開始添置BB用品，媽媽亦會留下來陪月。

大讚老公超貼心 享受女皇級待遇

朱千雪表示懷孕期間感到非常幸福，身邊的親朋戚友都對自己好好，連去旅行都不讓自己親自拎行李。朱千雪更特別大讚老公貼心：「佢不嬲都好好嘅，但行得多嘅話就會就我。又或者佢會問我想食咩，都會話『你想食咩我即刻去買畀你啦！』都幾好，都幾幸福，哈哈。」當被問到老公有否幫朱千雪按摩時，朱千雪就笑指兩公婆都唔太識呢方面，所以在懷孕初期都特別小心，所以唔敢畀老公幫手按摩。

朱千雪陀B五個月 犯孕婦1大禁忌超驚青

身為新手孕婦的朱千雪坦言自己咩都唔識，在懷孕初期更曾經犯下孕婦1大禁忌，表示超驚青：「最驚啲人話呢啲做得，呢啲唔做得，問完先知道原來已經做咗幾個月，成日都會自己嚇自己。譬如嗰日有人叫我唔好用鉸剪，但我就話『吓，但我日日都有嘢unboxing喎，每日喺屋企就係到剪啲package喎』」。不過朱千雪就表示老公會從旁安慰自己，指「冇嘢唔好其實就係好事」，叫自己唔好咁擔心。

已感受到身材變化堅持繼續工作

雖然朱千雪已經懷孕五個月，但依然臉子尖尖、非常上鏡。不過朱千雪就指因為上班要穿西裝，所以已經開始感受到身材上的變化：「宜家啲西裝會開始由扣到鈕，變到扣唔到鈕；啲褲又由本身要扣皮帶到宜家唔洗，所以每個禮拜都會感受到。」雖然感受到身材上的變化，但朱千雪就沒有特別磅重，並表示無論幾重都好，最緊要係BB健康。此外，朱千雪指會堅持返律師樓同去大學教書，會到last minute先放產假，認真夠曬敬業！

一齊睇足本訪問：

回顧入行辛酸史

2022年時，適逢2022香港小姐競選快將舉行，2012年港姐季軍的朱千雪曾在社交平台回顧入行10年的辛酸史，表示10年前因踏上舞台而改寫了一生，並指在拍劇4年間學懂了什麼叫專業，怎樣可以工作40小時不睡覺，之後又因要花1年時間實習，學懂了兼顧事業的同時不可忽略家庭。雖然拍劇十分辛苦，但是她也很感激在路途上遇到的伯樂和好朋友。

朱千雪結婚 另一半是醫生門當戶對

朱千雪在31歲生日當天向大家宣布與醫生男友Justin Ng要結婚，她在Instgram上載與Justin的甜蜜合照，並寫上：「When we first met we weren’t even children, we were just babies. Our moms checked into the same hospital room, and gave birth to us just 3 days apart. For years we kept in touch through our families, celebrating many birthdays together until we were old enough to be friends on our own. Now, we are ready to build a life and one day to have a family of our own. 」

在Facebook則上載中文版本：「我們初認識時我們剛出生。我們的媽媽選擇了在同一間醫院房生小孩，也很巧地相隔三天就生了她們的第一個兒子和第一個女兒。當小孩時我們都是靠媽媽才會接觸，但現在我們長大了…我們懂得建立屬於我們的友誼，屬於我們的感情，而現在也要開始建立屬於我們的生活。」千雪提到二人早在媽媽肚子裡就「認識」，生日也只相差3日，二人相識多時青梅竹馬，由朋友到相愛現在決定一起步入人生的另一個階段，真的恭喜恭喜呀！

12年港姐季軍朱千雪 ，有樣有家底兼有學歷，身邊不乏追求者，而另一半Justin Ng在澳洲讀醫，男方同樣家底豐厚，父親是老牌茶莊「祺棧茶行」老闆，五年前更在香格里拉集團做執行董事，與千雪BB屋企人是世交，可謂門當戶對！據知千雪BB同Justin認識了很久，她不時會趁放假飛去澳洲探醫生男友，和男友屋企人一樣十分「friend底」，吳父也認定了千雪BB是新抱仔，經常希望仔仔可以快點娶女神入門！

大方談醫生男友 朱千雪：我會結婚!

在未婚前，朱千雪曾接受訪問時被問到有沒有拍拖，就早已認定對方，當時千雪BB甜笑承認：「開名呀！ Justin係好男仔嚟嘅！(做醫生？)係！佢好忙！我都好忙！順其自然啦！(合唔合你杯茶？)合拍嘅！(有冇見家長？)我哋識咗好多年，係family friend嚟！見佢屋企人仲多過見佢！識咗好多好多年，所以先會熟嘅！(幾時會結婚呀？)我會結婚嘅！但唔會諗幾時囉！」

婚前，雖然另一半Justin Ng在新加坡工作，二人常常分隔兩地，不能經常見面，但感情非常穩定，朱千雪仲話「我會結婚㗎」！相信一切是因為女神擁有6大完美女友特質呢。

1. 給予男友空間

美貌與智慧並重的朱千雪選擇不做「黐身」女友，就算知道自己性急，都不會咩都管，例如她不會要求另一半交代自己的位置，「我好尊重私隱、好驚人打擾我，所以我都會尊重對方」。相信Justin都好識做，不會打擾努力工作、埋頭讀書的朱千雪，令大家都有自己的空間。

2. 互相體諒、互相扶持

跟男友自小認識，朱千雪同Justin已經相當熟悉大家，現在朱千雪工作、讀書兩邊忙，她知道要體諒另一半同樣忙碌的生活，明白「大家各有各忙，工作時間不會影響大家」就可以。男友亦知道朱千雪好忙，只要大家互相諒解，就算分隔兩地，兩人關係還是甜蜜，亦少有衝突呢！

3. 懂得獨立自主

Justin長時間在外地工作，亦不是每個周末都會回港，朱千雪或者一至兩個星期都未能見男友。但女神有自己的方法，不會要求男友常伴左右，例如她喜歡一個人睇戲，尊重大家口味不同，「我首選笑片同superhero電影，唔迫對方睇浪漫戲」，她亦會約自己朋友外出。有這樣獨立的女友，Justin當然安心！

4.不貪慕虛榮

有不少女藝人入行後就會變得忘本，因為身份的轉變，對於名利的追求也會變得不同。但朱千雪入後後仍然駕駛入行前的Benz出入，加上她曾表示「樓和車都是物質，有地方住就可以，就算間屋有3萬呎但與另一半都不溝通、不一起食飯也沒有用，認為生活活得開心比較重要。」

5.與另一半有商有量

朱千雪曾被問到如果另一半沒有物業，更要求把自己的名字加上的話會如何處理？而當時朱千雪就表示所有嘢都可以商量，若果是男女朋友，男生應尊重女生的意願，除非是結婚，否則就沒有必要，畢竟拍拖跟結婚是不同層次的事。

6.對自己有自信 知道自己想要甚麼

女生年紀越大開始就會想急著把自己嫁出去而降低自己的要求，朱千雪就相信大部分女生都想找個對自己好、夾得來的人，但是身為女生不應該勉強自己隨波逐流，認為每個人都應該知道自己想要甚麼才不會浪費時間。

加上，朱千雪認為對自己應要有自信，她會透過學習而令自己變得更有價值，指知識會跟自己一世，而不應將重點只放到金錢上。