OL小心! 偽「健康」零食 3高地雷

Text|Pan

Edit|Manda

平時返工返學總會餓， 超市入貨零食隨手執，眼見貌似健康標語如「高鈣」、「低脂」或「低糖」等，大家便不由自主地信其是健康食品。其實背後出唔少蠱惑，當中不少都是三高 : 高脂、高糖及高鈉，隨時誤中偽健康零食的地雷！今次搵嚟營養師同大家抽出常見零食的地雷陷阱！

01麥製餅乾油糖多過纖維

全麥造的餅含有膳食纖維，應該不錯吧？消化餅為例，實情是其糖鈉脂分量卻唔少，但膳食纖維方面每塊只有0.5克，而成人每日所需是多於25克，食晒成包先得9克，真係每日食到50塊嗎？

02燕麥曲奇飽和脂肪高

燕麥曲奇，每一百克就有只有5.5克膳食纖維，但糖卻有32.2克，而當中的飽和脂肪更是三款中最高，每一百克達8.3克！

03麥纖酥餅膳食纖維量少

麥纖酥餅，以成人日攝熱量2,000卡計，每天不應攝取多過20克飽和脂肪，而佢每一百克就有6.7克，膳食纖維量亦一樣少，又係要食幾包先得！

Next Page>梳打餅……殺個你措手不及!

04烘烤蔬果脆片高糖高脂

近年興起以蔬果烘烤而成脆片， 以少熱量為賣點，但製作過程中加入糖漿及油， 所以糖分及脂肪量都不少！以蘋果脆片為例，聽落健康，但係睇番個營養標籤，雖
然熱量及鈉量雖低鈉，但卻十分高糖，每一百克含糖量為42.9克，一包71克入面有30.5克糖，超過每日攝取上限六成！而其成分表中，列有Sugar或Syrup即除了本身果糖外另有外加糖，但當中比例就不得而知。

05 高鈣蝦條爆鈉扮多鈣

以蝦的鈣質為賣點，實情高鈉質！以100克包裝的紫菜味蝦條為例，鈉質有927毫克，幾乎是成人日限2,000毫克的一半， 仲未計每日所食的其他食物。另外，其標榜的鈣質方面，一包先得56毫克（一杯牛奶約280毫克），而成人每日所需的鈣質為800至1,000毫克，單靠食蝦條又可以幫得幾多呢？

06 含鈣梳打餅隱形爆鹹

最殺個你措手不及的，要算梳打餅！跟上述蝦條一樣，標榜含鈣，大家可能都會掉以輕心覺得餅比較健康。若單論其每百克含鈣量達643毫克，近乎每日所需的800至1,000毫克， 足足食晒一包先得。如食晒一包的同時，其每百克含鈉量高達710毫克，是每日上限的三分一！飽和脂肪達5.4克，佔了總脂肪10.5克的三分一以上，實屬不健康！

07無糖曲奇多油又升血糖

連糖尿病人都適合的無糖曲奇，夠安全了吧？不！雖然是無糖，但其碳水化合物的每100克含量中卻有68.2克，跟普通餅乾不相伯仲，一樣有機會令血糖水平升高！同時，脂肪含量亦高達31.7克，佔常人日攝量的一半！留意包裝分量150克，唔覺意食晒就有50克脂肪咁滯！

延伸閱讀：

▲常飲咖啡與可樂 骨質疏鬆易出現?http://goo.gl/sgdWxD

▲瘦身 大忌糖分超標！必戒零營養 「游離糖」http://goo.gl/8cgwxh

如欲率先接收資訊，請讚好我們的FB專頁並於「已讚好」選單設定「搶先看」，多謝支持。

More Facebook:https://www.facebook.com/morehk.hk