所有女生都要知！收緊盆底肌K.O私密困擾 成就姊妹們終身幸福
好多女士隨著年齡增長、生完BB後，以及踏入更年期，開始出現盆底肌鬆弛問題。唔止需要頻頻去廁所，唔敢搭長途車外，仲會影響同老公嘅親密度，年紀再大啲，甚至要依靠成人護墊避免尷尬。今次有婦產科余啟文醫生講解一下盆底肌肉點解咁重要、導致鬆弛嘅主要成因以及預防改善鬆弛嘅方法。各位姊妹，關乎自己嘅幸福，真係要認真聽書啦！
（Presented by BTL Medical HK）
盆底肌肉關乎女士終身幸福
唔講唔知，原來盆底肌肉對女性真係好重要！余醫生表示︰「盆底肌係負責承托膀胱、子宮及直腸，用來控制私密功能。若盆底肌肉鬆弛，失去承托力，最明顯嘅徵狀係尿頻尿滲、例如大笑或打噴嚏時出現尿滲情況，以及陰道鬆弛，情況嚴重更會導致小便失禁或子宮跌出體外。」盆底肌肉鬆弛問題唔單止引起生活上種種尷尬外，仲會影響親密關係及自身健康，姊妹們真係唔可以忽略。
剩係年紀大嘅人先會有盆底肌鬆弛？
大多數人誤解，以為年長女士先會受到盆底肌鬆弛所引致嘅私密困擾，但余醫生指出，盆底肌肉鬆弛成因有好多，最主要係婦女懷孕、生育及年齡增長所引致，包括懷孕期間胎兒過大過重，生產時間過長、經常搬重物、經常打噴嚏或咳嗽及長期便秘等，都會令承托盆腔器官嘅盆底肌肉受壓，出現鬆弛； 更年期嘅荷爾蒙變化亦會令盆底肌鬆弛。尿滲尿頻及陰道鬆弛係較為明顯嘅病徵，如果其他疑問就應即向專業醫護人士查詢。
持之以恆 每日鍛練盆底肌肉
因為生BB、更年期而引致尿頻尿滲等困擾，唔通一定要承受？ 姊妹們又唔使慌住，如果唔想等日後老咗要用成人護墊，今日就要好好保養呢塊肌肉。余醫生話︰「每日做盆底肌運動Kegal可以改善鬆弛問題，但要持之以恆，持續做3-4星期就會慢慢見到效果。但情況嚴重就需要進行入侵性兼復原時間需時嘅手術治療。」
想知多啲，即睇余醫生親自解說及盆底肌肉運動示範啦！
美編私心推介︰速效緊緻盆底肌 改善盆底肌鬆弛
除咗每日自行鍛練外，美編心急懶人一族亦可以選擇坊間專門去鍛錬盆底肌肉嘅私密修護椅，於短時間內強化盆底肌，改善私密問題。由於毋須換衫，避免尷尬不便情況，而且係非入侵性，無創無痛，無復原期，輕輕鬆鬆坐上部機就得。儀器嘅專利技術對深入10cm盆底肌肉群，進行12,000次高密集嘅收緊提升運動。每次只需安坐28分鐘， 3星期6次療程1後，就可改善私密問題，95%1用家一致認同尿滲等問題得以改善，93%2仲表示夫妻親密度提升，有外國研究顯示，大部份人士嘅盆底肌被強化後，效果一般能維持一年3添。簡單一坐解決私密煩惱，各位姊妹可以留意下有關療程啦！
1 Berenholz J., MD, Sims T., MD, Botros G., MD. HIFEM™ Technology Can Improve Quality of Life of Incontinent Patients
2 Hlavinka TC., Turcan P., Bader A., The Use of HIFEM™ Technology in the Treatment of Pelvic Floor Muscles as a Cause of Female Sexual Dysfunction: A Multi-Center Pilot Study
3 Lim R, LiongML, LeongWS, et al. Pulsed magnetic stimulation for stress urinary incontinence: 1-year follow up results. J Urol 2017;197(5):1302–1308.
