45歲蔡少芬喜懷第3胎！5個高齡產婦注意事項＋飲食Tips

編輯：venus.y 、Sylvia 資料來源：Sunday Kiss | 圖片：微博、Instagram

5個高齡產婦注意事項＋飲食Tips

1.補充葉酸

一般在懷孕前1-3個月不少女性便會開始補充葉酸，待懷孕滿3個月開始停藥。如果已經懷孕，便需及時開始服用，每日總量在0.4-0.8mg，葉酸可以避免寶寶發育畸形和唇齶裂，同時預防孕婦貧血作用，一般服用到懷孕12周為止。

除了食葉酸補充品，也可以從食物中吸收到，比如萵苣、菠菜、西紅柿、橘子、草莓、櫻桃、動物的肝臟、腎臟、禽肉及蛋類、黃豆、豆製品、核桃、大麥、米糠、小麥胚芽等。

2.懷孕16-20周時，要進行唐氏篩查

提取孕婦的血液檢測血液中所含有的物質和濃度，以斷定胎兒可能出現的一些病症，或及早對症下藥。

3.懷孕20周做羊水穿刺

孕婦年齡愈大卵巢逐漸衰老退變，卵子自然老化患先天愚和畸形兒發病率愈高。這項檢查可知道染色體的數量檢查胎兒是否有異常。

4.嚴格控制飲食

茶、酒、煙、咖啡，以及含酒精和咖啡因等，都會對孕婦和胎兒的健康產生負面影響。同時胚胎發育必須吸收足夠鋅，可以通過食用牛肉、海產品、動物肝臟等吸收。

5.注意控制體重

控制體重除了去保障胎兒帶來分娩困難之外，同時也是保障孕婦避免在懷孕期因容易發胖、體重過度增加而患上妊娠糖尿病，因為40歲以上的女性患病率高達36％。

無懼高齡產子45歲蔡少芬喜懷第3胎

蔡少芬與老公張晉於2008年結婚後育有8歲長女張楚兒和6歲幼女張信兒，縱使已結婚 11 年兩人的互動依然如熱戀般的戀人，早前蔡少芬更與老公在微博發布夫妻「罵戰」短片，以幽默宣布喜訊懷上第3胎！

其餘16位演藝界高齡產婦

1. 前無綫藝人黃澤鋒 52歲老婆陳麗麗

超高齡產婦 犧牲好大

黃澤鋒自己都沒想過老婆52歲還可以成功懷上第一胎，指深知老婆已是超高齡孕婦，犧牲很大，但現時囡囡「小黃妃」已經出世兩人都很高興。

黃澤鋒於2012年離開無綫後成為演藝自由人，他從小習泳，現在不但是游泳教練，更有泰拳拳證是泰拳裁判和教練，非常多才多藝！他與太太在2010年結婚，7月於Facebook表示囡囡「小黃妃」已經出世，還用手捧住囡囡腳仔的照片，寫道「歡迎你的來臨，#幸福並不是必然的 #生死一瞬間，感恩我們可以…..#三人行 #小黃妃 #和你一起繼續走。」

2. 黎姿 (47歲)

現年47歲的前無綫花旦黎姿2008年嫁給富商馬廷強後，隱退娛樂圈。2010年順利誕下一對孖女。

2012年10月8日，已經年過40的黎姿為丈夫馬廷強再下一城，誕下一女，現已成三女之母，兩年抱三！

3. 邱淑貞 (42歲)

2010年，邱淑貞當時已經42歲並育有兩女，不過卻依然希望誕下男嬰追番個仔，只因老公非常喜歡兒子，雖然最後都係生多個女，不過而家一家五口都好幸福呢。

邱淑貞的三位千金都被稱為盡得媽媽優良基因，其中長女沈月更被譽為最美的星二代。

4.關詠荷 (42歲)

外表賢惠的關詠荷雖然一直到42歲才生下了可愛的女兒，不過產後的她好似將積攢了四十年的母愛傾情付出，漸漸減少了娛樂圈中的應酬和片約，專心致志做賢妻良母。

張家輝和關詠荷女兒看起來非常斯文，五官和神韻都像足媽媽關詠荷。

5.梁詠琪 (42歲)

Gigi與西班牙籍老公Sergio結婚3年後，Gigi終於在2014年8月宣佈懷孕，翌年2月誕下囡囡並改名為Sofia，囡囡岀世後，Gigi經常喺IG post 佢地一家嘅幸福照。一家三口十分幸福！最近有報導指，42歲的Gigi早已決定要追第二胎，並在積極努力中！

Gigi兩位好個閨密李心潔同楊采妮，都係40歲之後看生BB，而且咁啱都係生咗對孖仔！

6.李心潔 (40歲)

2013年老公彭順被爆出軌，李心潔最終選擇原諒老公，兩人和好如初。之後李心潔40歲時，就為老公誕下一對可愛孖仔。

哥哥叫彭濟雲，弟弟則叫彭子然，李心潔喺孖仔滿月嗰陣，PO出一張BB正面相，一對孖仔連瞓覺都識笑，超可愛！

7.楊采妮 (42歲)

楊采妮2013年同做律師嘅邱韶智拉埋天窗，努力咗3年，終於喺2017年宣布懷孕，同年以42歲之齡生咗對孖仔。

一對孖仔出世後 ，楊采妮喺社交平台留言：「親愛的小寶貝們，謝謝你們，到我們的生命裏來，讓我們對愛多了另一種新體悟。爸爸媽媽一直是懷著感恩的心來迎接你們，我們承諾會用心愛著你們，亦希望你們能在充滿愛和感恩之下，健康平安地成長，擁有自己幸福的人生。」

當時因為早產而致孖仔體重比正常BB輕，令佢好擔心呀！好彩而家孖仔順利成長！

8.周汶錡 (43歲)

Kathy今年43歲，2015年7月生咗大仔Jacques ，細仔Avner就喺舊年3月20日出世。

Kathy話第二次懷孕，身體有冇比之前辛苦，佢就話基本上同上一胎一樣，完全唔辛苦，冇嘔又冇好容易就攰，胃口亦都冇變，Kathy解釋指可能因為自己的體質問題，所以身邊的朋友都話佢唔似大肚，整個過程就好似正常生活但個肚大咗。

9.謝安琪 (40歲)

阿Kay 當年未婚懷孕，07年大仔張瞻出世，相隔10年，40歲嘅阿Kay就再生咗囡囡張靖。

Kay揚言要做全職奶媽，實行無了期停工湊女：「希望可以餵足一年母乳！真係擺低工作，以家庭為先，依張相囡囡都係得幾個月，雖然囝囝已經開始識照顧自己，但都係要傾偈嘅階段，只要睇住小朋友開心就乜都值得！」

10.徐若瑄 (42歲)

徐若瑄以42歲之齡，於2015年誕下囝囝小V寶，不過Vivian陀B嗰陣，由於胎位太低，需要一直卧床直至分娩當日！懷孕期間，總共打咗300支安胎針！呢個B真係得來不易呀！

現在的小V寶係個精靈、健康嘅小朋友！

11.李嘉欣 (41歲)

李嘉欣於2011年為富二代許晉亨生咗囝囝Jayden，懷孕時風采依舊，絲毫不見浮腫。大美人當時都係41歲。

12. 楊張新悅 (42歲)

42歲嘅楊張新悅（Nicola)與區議員老公楊哲安婚後，先後誕下三個囡囡Lucy、Lily和Leah。Nicola早前宣佈意外懷上第四胎，而且今胎都係B女。

13.朱茵 (41歲)

2012年4月，41歲嘅朱茵突然上載一張與阿Paul的赤裸相擁黑白合照，公佈懷孕的消息。

囡囡叉燒包於12年10月出世，為作紀念，朱茵執筆推出新著作《6磅10安士》，寫下整個懷孕歷程。她於書中寫到自己很喜歡小朋友，小時候已很想當母親，可惜因身體狀況不好，更自爆婦科醫生曾告知只有一成機會懷孕，要有小朋友是一件很難的事。奇蹟懷孕誕下女兒，對朱茵及黃貫中來說，都不是一件容易的事。

14. 吳君如 (41歲)

2006年，41歲嘅吳君如生咗囡囡陳是知，據講當時君如大住個肚，依然晚晚返電台開咪做節目。

吳君如在圈內出晒名的愛女，同時亦管教得好嚴！有報導指囡囡陳是知每年花過百萬學費栽培囡囡，單係playgroup已經年年十萬，仲有報大量琴棋書畫的興趣班，囡囡考入南區私立貴族學校的弘立書院。而在家也營造出一個獨特語境，平時用英文及泰文同囡囡溝通，所以年紀小小已一口流利英文。

15. 劉若英 (45歲)

由結婚到生仔都超低調，45歲就生咗第一胎，當時劉若英仲話想生多個，因為怕囝囝一個人會覺得孤單，所以想多個等佢有個伴。

16.林青霞 (41歲)

林青霞於1994年與邢李㷧結婚，正式嫁入豪門。41歲生咗大女邢愛林，46歲再生細女邢言愛。而家兩個女分都已經婷婷玉立喇！