台式飲品卡路里逐個數｜黑糖珍珠鮮奶等於3碗白飯！
雖然中秋都過咗，天氣仍然好悶熱，隨手買杯台式飲品就最消暑。行街一杯、下午茶又飲，細細杯嘢飲，幾分鐘就可以清一杯。望落細細杯，其實暗藏唔少卡路里，分分鐘高到嚇你一跳。今次就請註冊營養師睇睇邊幾杯最高卡路里，文末更有營養師分享飲食Keep Fit嘅講座介紹，唔好錯過！
（Presented by HSBC） 營養顧問 : Gloria Tse
最Hit台式飲品卡路里
1. 黑糖珍珠鮮奶 580 kcal/700ml
講到今年大熱點少得黑糖珍珠鮮奶，雖然全脂奶的鈣質和蛋白質比較豐富，比起奶精沖的奶茶健康，但不要忽略每杯鮮奶當中仍含有大約四至五茶匙的天然「牛油」，仍是致肥兇手。加上份量唔少嘅黑糖珍珠，高脂、高糖、高熱量，單單一杯約等於3碗白飯嘅熱量。
2. 珍珠奶茶 455 kcal/700ml
通常以成本較低、含反式脂肪嘅奶精製作，增加心血管疾病嘅風險。以木薯粉製成嘅珍珠用糖水熬煮，含有大量游離糖，一杯已經有約8粒方糖，超出成年人每日攝取上限。即使叫少甜都有約5茶匙糖，相等於約兩碗飯的熱量。除咗會令體重增加，仲會加速皮膚老化。
3. 抹茶拿鐵 438kcal/ 700ml
抹茶含有兒茶素，有助抗氧化及保持皮膚年輕有彈性。不過市面上全糖的抹茶鮮奶有12茶匙糖，大大超出全日建議上限！結果弄巧反拙，護膚不成，反因過度攝取糖分而破壞皮膚骨膠原！如果改為脫脂奶及半糖，可大大減至約200kcal ，節省了一碗飯的熱量！
4. 芝士奶蓋綠茶 222kcal/700ml
一份奶蓋只有大約 70-80kcal ，所以減肥人士偶爾飲用亦不會大大影響減肥進度。但始終由植脂末製作，有較多飽和脂肪和反式脂肪，不利心臟健康，而且有可能添加穩定劑及增稠劑所以建議一星期飲少於一次。由全糖茶為無糖茶，可大大減低熱量攝取約180kcal，約11茶匙糖，更為健康！
5. 無糖水果茶 35 kcal/700ml
全糖水果茶一杯有約200kcal ，添加約10茶匙庶糖，比4碗西瓜/2個蘋果的熱量還要多！若改至最少的「微微糖」，則減至約2茶匙庶糖，相對健康。
最健康則是選擇無糖，只有天然的水果粒，保存了維他命和纖維，維他命會溶喺水中，即時飲用再吃埋果肉，絕對係健康之選!
姚嘉妮＋營養師 講座分享愈食愈靚Tips
其實少油、少鹽、少糖、均衡飲食，都係都市人愈來愈注重嘅話題，但到底點樣先可以真正實行？生活忙碌、出街食飯，通通都變成藉口。健康靚媽姚嘉妮小姐、註冊營養師謝詠瑩小姐受到滙豐強積金邀請，喺11月會同大家分享，點先可以愈食愈靚。
滙豐強積金講座 （按我報名）
健康美・無限
日期：2018年11月3日（星期六）
時間 第一場 : 上午11時正至下午12時30分
第二場 : 下午2時正至下午3時30分
地點：香港北角油街二十三號（港鐵炮台山站A出口）
港島海逸君綽酒店一樓宴會廳
語言：廣東話
費用：全免
屆時，滙豐強積金代表亦會即場提供市場資訊，助大家輕鬆管理退休財富。
更有精美茶點招待、免費精美禮品乙份*及免費強積金諮詢服務#。
*於講座完畢後並即場填妥簡單問卷，即獲贈精美禮品乙份。禮品數量有限，送完即止。
#你可於講座當日帶備任何強積金服務機構最近發給你的強積金成員權益報表，以獲得滙豐強積金計劃行政管理人旗下客戶服務團隊的免費強積金諮詢服務。
