開OT點樣可以更 醒神

根據UBS瑞銀調查，香港人平均每星期工作超過50個鐘，被列為全球工時最長的打工仔。既然OT已經係常識嘞，不如諗吓點樣做嘢最 醒神 ，快手做完早啲收工好過喇！日本人話由零食到飯盒都要識得揀，加埋播住 醒神 音樂，小休五分鐘做個穴位按摩醒 醒神，幾時都仲有精力work hard play hard！

Text: Carrie | Photo Source: Pinterest（部分圖片）

天然香氣有助提神
沖杯香茅、薄荷之類的草本香茶，本身清醒提神作用，就算唔鍾意飲都不妨沖杯擺響個位度，聞吓都精神啲。

辛辣味零食
辛辣食物的刺激感官上已提神，實際上可以加強血氣運行，人就自然精神點。

低糖朱古力
怕辣的人可以改吃朱古力，朱古力內的可可鹼有提神作用，跟咖啡因差不多，雖然適量的糖分就可以提高集中力，但太高糖分的話會瞬間令血糖爆升，會快速下降後，到時會更攰！

維他命B6 下午茶及晚餐推介
日本和台灣人認為最有效的提神養分，它可將身體中的糖、蛋白質及脂肪轉化成能量，配合乳類製品更理想牛奶內的色胺酸可以為大腦提供醒神作用。維他命和色胺酸一同食用，提神效果會倍增。

燕麥加牛奶或香蕉奶

牛油果吞拿魚沙律

紅茶比咖啡提神
唔好以為打正旗號叫咖啡就係高咖啡因，其實紅茶的咖啡因比咖啡還高，有研究則顯示茶含有的茶胺酸有助放鬆精神，及保持警覺和頭腦靈活。

日式穴位按摩除睡意
成日望住個mon，最攰係對眼，花5分鐘做按摩，對眼即刻精靈晒！
攅竹穴：在眼窩、眉頭的位置按壓五秒然後放鬆，持續做10次，會消除睡意及眼睛疲勞。

清明穴：眼頭淚腺位置，用食指和姆指抓着按壓五秒然後放鬆，持續做10次，除勞之餘可減低黑眼圈形成。

合谷穴：虎口位置、大姆指指根連接手掌位置，把手掌張開，用兩隻手指貼近骨關節位置揉搓1-2分鐘，有提神功效。

大都穴：腳趾公和腳掌之間側面關節位置的穴位，用手指強力按壓5秒再放鬆持續做10次，然後轉換另一腳再做，馬上提神降睡意。

Club Music 減睡意
日本人認為有一些Club Music有令人提神之效，不妨在開OT時播放這首音樂，既可令環境輕鬆點，不經意間同時降低各同事的睡意。

延伸閱讀：
▲ 6個醒神瑜伽動作 好過朝早1杯咖啡
▲【 床上懶人瑜伽 】瞓極都攰？ 起身前做醒神 瑜伽 6式!

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook: https://www.facebook.com/morehk.hk