茶餐廳低卡之選 營養師教你揀7款健康又好味美食

Text:營養學家 Mandy Wong ｜Edit: Francesca Ng｜Photo: Instagram

茶餐廳常餐高達1000千卡！

在茶餐廳餐牌上，除了可以見到常餐、特餐、快餐等，還有接近百款的菜式！唔想煩，或者你會隨便選個常餐，一碗腸仔午餐肉一丁麵配上火腿炒蛋加牛油多士，如果你喜歡凍奶茶，這樣一餐已經有約1000千卡，佔一般女士每日熱量近需近八成。

聽從營養師意見，揀只有約400千卡的魚蛋米嗎？日日食，你又會否覺得食到寡？以下就有些好食又健康的選擇！

秘製海南雞飯轉白飯、去雞皮及脂肪 （550千卡）

海南雞飯若轉成白飯及去皮脂，其實都不失為健康選擇。雞肉去除皮後，本身也是低脂高蛋白食物，如果可以，亦可嘗試叫胸肉部份。不過，不少茶記中的海南雞飯用上黃飯，雖然好味，但要減肥人士就戒戒口轉白飯，因為黃飯有機會撈入了雞油。

冬蔭功海蝦球米線（約450千卡）

喜歡嚐辣，要注意菜式用上的是辣椒、辣油、還是辣椒粉。如果是乾辣椒或辣椒粉，就不會因為辣而肥；但換上的是辣油，每一茶匙就有45千卡！所以，任何辣的粉麵類型，都要避免過多紅油。幸好，這款冬蔭功海蝦米線用上不算多辣油。想進一步去油，可以叫少油或先撇油吧！

XO醬蝦球撈麵（約500千卡）

撈麵不一定比炒麵好！但若果撈麵的汁不帶油份，用上適量的鼓油或蠔油則可以考慮。這款XO醬蝦球撈麵雖然是配上XO醬，但另上，可以控制油量，當配搭低脂高蛋白質的蝦球，當然可以選擇！

蝦籽珍珠雲吞麵（約450千卡）、鮮蝦菠菜餃麵（約500千卡）

除了魚蛋米，雲吞及水餃均可適量選擇。雖然雲吞、水餃、菠菜餃等有機會加入動物脂肪以增加彈囗口感，但一般分量不算多。4隻鮮蝦雲吞及鮮被菠菜餃含約200千卡及約2茶匙油份， 遠低於炒粉麵的油量。

菜遠深海魚柳飯（少飯）（約550千卡）

如果吃魚柳飯，可以先了解魚是煎或炒，還是炸。當然，炸完再燴汁的，要減肥修身人士最好暫時避一避。若果是煎或炒的，也算可以吧！「菜遠」菜式中使用的汁醬通常較咖哩汁或忌廉汁輕盈。不過，碟頭飯的飯份量不少，可以叫少飯！

鮮茄牛肉滑蛋泡有機米飯（魚湯）（約550千卡）

現在不少茶記都有湯飯選擇，而湯飯一般都是較健康之選。如果湯飯配上肉片、魚片、豆腐、雜菌等，熱量都不會太高。雖然，例子中配上滑蛋，但這款選擇仍較含高熱量醬汁及芝士的焗飯或意粉低得多。