瞓醒腰酸背痛可能揀錯床褥！優質睡眠助你身心 Recover
(Presented by Dorelan)
明明日頭無做太勞動嘅事，但就係會經常腰酸背痛。其實長時間保持一個姿勢、姿勢唔正確、著高跟鞋，甚至一張唔適合嘅床褥都可以係成因。今次就教大家點揀一張啱自己嘅床褥，瞓一覺好嘅，身心都自然更健康。
生活習慣令身體過度疲勞
非正式總計，唔少職業女性都受腰背疼痛嘅困擾。除咗高跟鞋令腰背承受唔少壓力，日日坐 Office 或者企鋪頭，要長時間保持一個姿勢都會容易腰背疼痛。唔想身體過度疲勞，注意身體嘅血液循環通暢就好重要。如果按摩、貼鎮痛膏布、食藥、做伸展運動都幫唔到你，仲要瞓極都仲係腰痠背痛，有機會係每晚與你共眠嘅床褥作怪。
揀啱床褥瞓覺好 令身體充份recover
睡眠佔人生三分一時間咁長，揀床褥梗係唔可以求其。一張啱自己嘅床褥可以令你嘅身體喺瞓覺時得到充份休息，舒緩腰痠背痛，但相反，一張唔適合自己，承托力不足嘅床褥，就會令肌肉長期得唔到真正休息，甚至妨礙身體部分位置嘅血液循環，愈瞓愈攰事少，搞到成日腰酸背痛就事大！
4大揀床褥Tips
1.透氣度高 趕走濕氣
成日講笑話「風濕骨痛」，其實濕氣真係會搞到周身骨痛㗎！特別春天咁潮濕，如果床褥透氣度唔夠高，就會積聚濕氣，瞓覺時會反攻身體，令人愈瞓愈攰，出現周身骨痛。而Dorelan 多運來 床褥使用唔同密度嘅Myform 專利物料，水洗環保製程所生產出嘅高密度聚氨酯泡沫棉唔止更能夠貼合體型，氣孔設計仲幫助排氣，唔怕一瞓醒就有濕笠笠嘅感覺。
2.人體工學設計 身體均勻受壓
同坐 Office 一樣，長時間處於一個姿勢，如果張凳唔能夠分散體重，就會令腰部受壓，導致腰酸背痛。既然揀 Office 凳都識揀人體工學設計，咁一日有三分一時間瞓喺張床，揀床褥梗係要揀有人體工學設計！Dorelan多運來 床褥係第一間榮獲 Ergocert 人體工學設計認證嘅歐洲床褥生產商。即係話，無論你側睡定躺睡，對頸椎嘅壓力水平、人體對床褥嘅睡壓，甚至對微絲血管所產生嘅變化，都符合維持正確嘅睡姿。
3.足夠承托力 紓緩脊椎壓力
對床褥嘅軟硬雖然各有喜好，但過硬嘅床褥會令身體支點壓力增加，而過軟亦會因腰部承托力唔夠，兩者都可能妨礙身體部分位置嘅血液循環，所以一張合適嘅床褥必需有足夠承托力，唔會過硬或過軟。喺優質睡眠同時，紓緩脊椎、肌肉及椎間盤壓力，減輕腰酸背痛，瞓醒就更精神飽滿。
4.易清潔擺脫過敏不適
除咗要瞓得舒服，講求美貌嘅OL當然要關心埋床褥嘅清潔度。有外國研究顯示，用咗差唔多八年嘅床褥已蘊藏超過10磅人類皮屑。佢哋養活咗千萬塵蟎同細菌，唔單止有機會誘發哮喘、鼻敏感、過敏症，仲會更容易生暗瘡𠻹！除咗要勤力換床單，揀一張有天然防塵瞞功能嘅床褥就瞓得安心。Dorelan多運來 床褥內含萃取薰衣草、尤加利樹、檸檬樹等植物精華，無任何人造化學藥劑，有助防塵埃蟎功效之餘，仲杜絕污染及有害物質。
親身試瞓最重要
理論就講完，係時候親身試瞓。Dorelan 多運來 喺沙田 HomeSquare 開設亞洲區首間床褥、床架、寢室用品嘅試寢室，大家可以買之前試瞓一吓，仰睡、側睡或者轉幾次身，睇吓係咪真係啱呢！
