每日洗頭都會變脫髮？錯誤 沖涼 習慣身體問題多多
Text ｜Candy Choy
日日大家都會 沖涼 、洗頭，以為好正常、好健康？其實少少嘅錯誤習慣，都會影響到皮膚同髮質健康！即刻睇吓自己有冇做開呢啲壞習慣，唔係等頭髮愈來愈少、皮膚變差，甚至難減到肥，就後悔莫及喇！
1 日日洗頭唔健康？
以為日日洗頭夠乾淨？其實無論你係幼細髮質，定又厚又鬈，都唔應該洗咁多次頭！頭髮較薄應該一星期洗兩次，較乾或鬈髮就一星期一次，先可以維持天然油脂同水分平衡。不過你聽到實覺得冇可能，但試下隔日先洗，慢慢開始俾頭皮油脂同水份平衡，就會減少脫髮！
2 沖涼海綿放浴室都唔得？
當我哋用海綿擦身時，身體死皮會殘留喺海綿內，造成細菌滋生，皮膚病更易出現！想乾淨，就要清洗乾淨兼吹乾，再放喺乾燥地方。
沖涼 咁relax，梗係要沖耐啲先舒服啦！咁諗就錯喇，長時間淋浴，所需嘅大量水份會被帶走，皮膚會出現乾燥同痕癢。其實 沖涼 只需維持五至十分鐘就得。
5 將護髮素塗到頭頂
護髮素係可以令頭髮更順滑，但唔應該塗埋頭頂，因為會產生不必要嘅油脂！所以護髮素應該只塗乾燥部份同髮尾位，就可以保濕防開叉。
6 只沖熱水涼
大家都鐘意沖熱水涼，不過沖完涼之前原來淋凍水係會對身體有好處！沖完熱水涼，可以淋多30秒，會增加身體對壓力嘅耐受性、增強免疫力，仲可以增加脂肪的消耗能力同抗抑鬱！
