日本OL界減肥大熱！ 啤酒瘦身法 1個月狂減10公斤
睇日劇見到OL們都好鐘意飲啤酒 ，成班朋友去居酒屋要飲，屋企個雪櫃都總有兩三罐，隨時飲杯宣洩工作鬱悶舒緩愛情迷失，用嚟輕度麻醉。成日咁飲會唔會有 啤酒 肚？日本OL飲極都咁fit原來有秘密，配合啤酒酵母直情是減肥妙方，美國哈佛大學都話飲啤酒可以瘦，日本人仲話啤酒可以抗衰老同埋減壓，講到咁理想，睇吓點飲法先瘦喇！
Text: Carrie | Photos: Pinterest
啤酒減肥秘密響啤酒酵母度，其豐富維他命B雜、礦物質、抗氧化成份、消化酵素及蛋白質等豐富營養，有促進新陳代謝、美肌、加速腸道郁動等好處，清晒宿便，小肚腩第一時間失蹤。
啤酒瘦身法
近期日本興以啤酒酵母提煉而成的food supplement，最近更流行直接食用製乾了的啤酒酵母粉末，說營養和效果會更好。
食法是溝乳酪，100g加一湯匙啤酒酵母粉末，亦可加適量果醬或蜜糖調味。
買不到啤酒酵母粉末？不用怕，其實喝啤酒一樣可以收到美肌修身的效果。見日本OL都冇啤酒肚，原因係一杯350ml的啤酒大約只有140至170kcal，而這些卡路里是所謂的「empty calorie」，在卡路里要燃燒時身體會優先把「empty calorie」消耗，很少會留在身體裏。
喝啤酒會肥，其實是出於一邊喝一邊吃佐酒菜式！
美國哈佛大學在2010年的研究得知，「適量喝酒比完全禁酒的人更易瘦」，每日喝一至兩杯酒的人，患糖尿病的風險比完全不喝酒的人低36%，而且心跳多了，間接促進了燃燒脂肪的效果，而這效果在酒後1小時會持續。
啤酒那來自啤酒花的香氣具aromatherapy的效果，聞吓都可以減壓。
